மைதா உருண்டைன்னு கிண்டல் பண்ணுவாங்க.. ஃபிட்னஸ் ரகசியம் சொல்லும் ஐஸ்வர்யா மேனன்!

பாக்ஸிங் கிளவுஸ் உடன் பக்காவாக போஸ் கொடுத்துள்ள ஐஸ்வர்யா மேனன் தான் ஏன் இவ்வளவு வெறித்தனமாக வொர்க்கவுட் செய்கிறேன் என்கிற ரகசியத்தையும் வெளிப்படுத்தி உள்ளார். 

சின்ன வயசுல இருந்தே குண்டு பெண் என்றே கிண்டல் அடிக்கப்பட்டு வளர்ந்தேன் என்று தனது கேப்ஷனில் குறிப்பிட்டு சோக கதையை சொல்ல ஆரம்பித்துள்ளார். 

மைதா உருண்டை என்றே பள்ளியிலும், கல்லூரியிலும் தன்னை கிண்டல் செய்வார்கள் என்றும் கூறி உள்ளார். 

நடிகையாக வேண்டும் என நினைத்த பிறகு உடல் எடையை குறைக்க ஏகப்பட்ட டயட்களை ஃபாலோ செய்து பார்த்தேன் ஆனால், எதுவும் பலன் கொடுக்கவில்லை என்றுள்ளார். 

கடைசியாக தான் குச்சியாக மாற வேண்டாம், இருக்கும் உடம்பை ஃபிட்டாக மாற்றினாலே போதும் என உடற்பயிற்சி பக்கம் திரும்பினேன் என தனது ஃபிட்னஸ் ரகசியத்தை அம்பலப்படுத்தி உள்ளார். 

வெறித்தனமாக வொர்க்கவுட் செய்தேன், பாக்ஸிங் செய்வது பிடிக்கும் அதையும் கற்றுக் கொண்டேன். என் உடல் எனக்கு பிடித்தமானதாக இருக்க வேண்டும் என்று நினைத்தேன். 

அதனை தற்போது அடைந்து விட்டேன் என்பதை அறிந்து சந்தோஷப்படுகிறேன் என ஐஸ்வர்யா மேனன் தனது இன்ஸ்டா பதிவில் போட்டுள்ளார். 

சிக்கென இருக்கும் ஐஸ்வர்யா மேனன் தனது ஃபிட்னஸ் ஸ்டோரியை சொன்ன நிலையில், பல இளைஞர்களுக்கும் பருமனான பெண்களுக்கும் இது ரொம்பவே பலனளிக்கும் என தெரிகிறது. 

வொர்க்கவுட் செய்யாமல் என்ன தான் டயட் இருந்தாலும், மாத்திரை மருந்து சாப்பிட்டாலும், உடல் எடை குறையவே குறையாது என்பதை கூறியுள்ளார்.