கவர்ச்சி ரூட்டுக்கு மாறும் மஹிமா நம்பியார்.. படவாய்ப்புகளுக்காக புது ரூட்!

மலையாளம் மற்றும் தமிழ் மொழிப் படங்களில் நடித்து வருகிறார் மஹிமா நம்பியார். பாடல் மற்றும் நடனத்தை முறையாக கற்றவர் இவர்.

மலையாளத்தில் கார்யஸ்தன் என்ற படத்தில் முக்கியமான கேரக்டரில் நடிக்கும் வாய்ப்பு இவருக்கு கிடைத்தது. இதை சரியாக பயன்படுத்திக் கொண்டார்.

விளம்பரப் படங்களில் நடித்துவந்த மஹிமாவிற்கு தமிழில் சிந்து சமவெளி படத்தில் நடிக்கும் வாய்ப்பு கிடைத்தது. இந்தப் படத்தின் வாய்ப்பை இவர் தனது சொந்த காரணங்களுக்காக நிராகரித்துவிட்டார்.

தொடர்ந்து சமுத்திரக்கனி நடிப்பில் வெளியான சாட்டை என்ற படத்தில் பள்ளி மாணவியாக நடிக்கும் வாய்ப்பு கிடைத்தது. இந்த கேரக்டர் இவருக்கு சிறப்பாக அமைந்தது.

தொடர்ந்து தமிழில் அடுத்தடுத்து படங்களில் கமிட்டாகி நடித்தார். மொசக்குட்டி, என்னமோ நடக்குது, அகத்திணை போன்ற படங்களில் நடித்து ரசிகர்களை கவர்ந்தார்.

தொடர்ந்து குற்றம் 23, புரியாத புதிர், அண்ணாதுரை, கொடிவீரன், அண்ணனுக்கு ஜே, அசுரகுரு, மகாமுனி  போன்ற ஹீரோயினுக்கு முக்கியத்துவம் உள்ள படங்களிலும் நடித்தார்.

இதுமட்டுமின்றி சாந்தனுக்கு ஜோடியாக குண்டுமல்லி என்ற இசை ஆல்பத்திலும் நடித்துள்ளார். தமிழில் 2 மற்றும் மலையாளத்தில் ஒரு படத்தில் நடித்து வருகிறார்.

சமூக வலைதளங்களிலும் மிகவும் ஆக்டிவாக காணப்படும் மஹிமா நம்பியார், தொடர்ந்து போட்டோஷுட்களை எடுத்து புகைப்படங்களை பகிர்ந்து வருகிறார்.

சமீப காலங்களில் கவர்ச்சி அதிகமான புகைப்படங்களை இன்ஸ்டாகிராமில் பகிர்ந்து வருகிறார். இந்தப் படங்கள் ரசிகர்களை கவர்ந்து வருகின்றன.