வரலஷ்மியை வரவேற்ற மனிஷா யாதவ்.. என்ன அழகா பூஜை பண்றாங்க!

கடந்த 2012ம் ஆண்டில் வெளியான வழக்க எண் 18/9 என்ற படத்தில் பள்ளி மாணவியாக ஆர்த்தி என்ற கதாபாத்திரத்தில் நடித்து அனைவரையும் கவர்ந்தவர் மனிஷா யாதவ்.

முன்னதாக மாடலாகத்தான் தன்னுடைய கேரியரை துவக்கினார் மனிஷா யாதவ். அந்தத் துறையில் கலக்கிக் கொண்டிருந்தபோதுதான் சினிமாவில் நடிக்க வாய்ப்பு கிடைத்தது.

முதல் படத்திலேயே சிறப்பான கேரக்டரில் நடித்திருந்த மனிஷா யாதவ், தன்னுடைய அழகு, நடிப்பு என கலந்துக்கட்டி ரசிகர்களுக்கு தந்தார்.

தொடர்ந்து கோலிவுட்டில் ஒரு வலம் வருவார் என்று எதிர்பார்க்கப்பட்ட மனிஷா யாதவிற்கு கோலிவுட்டில் அதிக வாய்ப்புகள் அமையவில்லை.

தொடர்ந்து தமிழில் ஆதலால் காதல் செய்வீர், ஜன்னல் ஓரம் என ஒன்றிரண்டு படங்களில் நடித்தார் மனிஷா யாதவ்.

பட்டைய கிளப்பனும் பாண்டியா, த்ரிஷா இல்லன்னா நயன்தாரா ஆகிய படங்களிலும் சிறப்பான கதாபாத்திரங்களில் மனிஷாவை பார்க்க முடிந்தது. தெலுங்கில் துனிகா துனிகா என்ற படத்தில் என்ட்ரி கொடுத்தார்.

தொடர்ந்து தமிழில் இவரை காண முடியவில்லை. இதையடுத்து ஒரு குப்பை கதை மூலம் மீண்டும் ரீ என்ட்ரி கொடுத்தார். இந்தப் படம் இவரை சிறப்பாக எடுத்துக் காட்டியது.

இடையில் சென்னை 28 படத்தின் இரண்டாவது பாகத்தில் இவரது நடனம் அனைவரையும் கவரும்வகையில் அமைந்திருந்தது.

தன்னுடைய முதல் படத்திலேயே அறிமுக நடிகைக்கான விஜய் விருதை பெற்றிருந்த மனிஷா தொடர்ந்து கோலிவுட்டில் நடிக்காதது அவரது ரசிகர்களுக்கு ஏமாற்றமாகவே அமைந்தது.