ஐஸ்வர்யா ரஜினியின் மூளையை சுறுசுறுப்பாக்கிய சந்திப்பு!

தனுஷுடனான பிரிவு ஐஸ்வர்யா ரஜினிகாந்திடம் எந்த மாற்றத்தையும் ஏற்படுத்திவிடவில்லை.

மிகவும் சந்தோஷமாக தன்னுடைய கேரியரை தொடர்ந்து வருகிறார் ஐஸ்வர்யா ரஜினி.

கொரோனா தொற்று பாதித்த நிலையில் சமீபத்தில் மருத்துவமனையில் செவிலியர்களுடன் இணைந்து சர்வதேச மகளிர் தினத்தை கொண்டாடினார்.

தற்போது உடல்நலம் தேறிய நிலையில் மீண்டும் முசாபிர் இசை ஆல்பத்தின் பணிகளில் தன்னை ஈடுபடுத்திக் கொண்டுள்ளார்.

இந்த இசை ஆல்பத்திற்கு தமிழில் பயணி என்று பெயர் வைக்கப்பட்டுள்ளது.

சமீபத்தில் முசாபிரின் டீசர் வெளியாகியுள்ளது. விரைவில் இந்த இசை ஆல்பம் ரிலீசாக உள்ளதாக கூறப்பட்டுள்ளது.

இந்நிலையில் நடிகரும் இயக்குநருமான ராகவா லாரன்ஸ் ஐஸ்வாயா ரஜினிகாந்தை நேரில் சந்தித்துள்ளார்.

ஐஸ்வர்யாவிடம் அவரின் இசை ஆல்பம் குறித்த விவரங்களை அவர் கேட்டறிந்துள்ளார்.

இந்த சந்திப்பின் புகைப்படங்களை தனது இன்ஸ்டாகிராமில் பதிவிட்டுள்ள ஐஸ்வர்யா, இந்த சந்திப்பு தன்னுடைய மூளையை சிறப்பாக செயல்பட வைத்துள்ளதாக தெரிவித்துள்ளார்.