அம்மாவானார் கயல் சீரியல் நடிகை...மகிழ்ச்சியில் கணவர் போட்ட பதிவு.. குவியும் வாழ்த்துகள்!

சன் டிவியில் ஒளிபரப்பாகி வரும் கயல் சீரியலில் நடிக்கும் நடிகை அபிநவ்யாவிற்கு அழகான ஆண் குழந்தை பிறந்திருக்கிறது.  கயல் சீரியலில் நடிகர்கள் பலரும் ரசிகர்களின் மத்தியில் நல்ல பிரபலமாகிவிட்டனர்.

சன் டிவியில் ஒளிப்பரப்பான பிரியமானவள் தொடரில் ஸ்வாதியாகவும், கண்மணி தொடரில் சினேகா கதாப்பாத்திரங்களிலும் நடித்தவர் செய்தி வாசிப்பாளர் அபி நவ்யா.

இந்த சீரியல் ரசிகர்களை அதிகமாக கவர்ந்து இருக்கிறது. ஒரு வீட்டின் மூத்த மகள் தனது மொத்த குடும்பத்தின் சுமைகளையும் தாங்கிக் கொண்டு படும் அவமானங்கள், வேதனையான பாசத்தை பற்றியதாக இந்த சீரியல் இருந்து வருகிறது.

அபிநவ்யாவின் கணவரும் சீரியல் நடிகர் தான். அவர் விஜய் டிவியில் ஒளிபரப்பாகி வரும் ஈரமான ரோஜாவே சீரியலில் நடித்து வருகிறார்.

இவருக்கு கடந்த ஆண்டு சீரியல் நடிகர் தீபக்குமாருடன் திருமணம் நடைப்பெற்றது. இந்த ஜோடி கடந்த சில ஆண்டுகளாக காதலித்து வந்தது.

தீபக் கலர்ஸ் தொலைக்காட்சியில் ஒளிபரப்பான திருமணம் சீரியலில் நவீன் கதாப்பாத்திரத்தில் நடித்து பெரும் வரவேற்பை பெற்றார். பின்னர், என்றென்றும் புன்னகை சீரியலில் லீட் ரோலில் நடித்தார். இப்போது ஈரமான ரோஜாவே 2 சீரியலில் நடித்து வருகிறார்.

திருமணத்துக்குப் பிறகு இருவரும் பிஸியாக இருந்த நிலையில், சில மாதங்களுக்கு முன்பு அபிநவ்யா கர்ப்பமாக இருக்கும் விஷயத்தை அறிவித்தார்.

தற்போது அபிநவ்யா மற்றும் தீபக் தம்பதியினருக்கு அழகான ஆண்குழந்தை பிறந்துள்ளது.

 தீபக் தனது இன்ஸ்டாகிராம் பக்கத்தில்,  கடவுள் நம்மீது பொலிந்த கருணையின் விளைவாக விலைமதிப்பற்ற ஒரு பரிசை தந்திருக்கிறார். ஒரு சிறு குழந்தையை செவிலியர் என் கையில் வைத்த போது நான் உயிரோடு, உற்சாகத்தோடும் உணர்ந்தேன் என்று தனக்கு ஆண் குழந்தை பிறந்த மகிழ்ச்சியை வெளிப்படுத்தி உள்ளார்.