அமெரிக்க ராணுவத்தில் இணைந்த தமிழ் நடிகை

அமெரிக்க ராணுவத்தில் தமிழ் படத்தின் நாயகி அகிலா நாராயணன் இணைந்துள்ளார்.

கடந்த ஆண்டில் வெளியான காதம்பரி என்ற த்ரில்லர் படத்தில் நடித்தவர் அமெரிக்கா வாழ் பெண்ணான அகிலா நாராயணன்.

கடுமையான பயிற்சிகளை மேற்கொண்டு அமெரிக்க ராணுவத்தில் தன்னை வழக்கறிஞராக இணைத்துக் கொண்டுள்ளார் அகிலா.

இதையடுத்து அகிலாவிற்கு வாழ்த்துக்கள் குவிந்து வருகின்றன. ராணுவ உடையில் அவர் வெளியிட்டுள்ள புகைப்படங்களும் வைரலாகி வருகின்றன.

இதன்மூலம் அமெரிக்க ராணுவத்தில் இணைந்துள்ள முதல் தமிழ் நடிகை என்ற பெருமையும் அகிலா நாராயணனுக்கு கிடைத்துள்ளது.

கலைத்துறையில் சாதிக்க வேண்டும் என்ற நோக்கம் இருந்தாலும் சேவை மனப்பான்மையுடன் தற்போது அமெரிக்க ராணுவத்தில் இணைந்துள்ளதாக அகிலா தெரிவித்துள்ளார்.

தன்னுடைய இசைத் திறமையையும் வீணாக்க விரும்பாத அகிலா, ஆன்லைன் மூலம் நைட்டிங்கிள் ஸ்கூல் ஆஃப் மியூசிக் என்ற இசைப் பள்ளியையும் நடத்தி வருகிறார்.