கணவர் விக்னேஷ் சிவனுடன் மஞ்சள் சேலையில் மங்களகரமாக வந்து பேட்டி அளித்த நயன்தாரா

நயன்தாரா – விக்னேஷ் சிவனின் திருமணம் ஜுன் 9 ம் தேதி மகாபலிபுரத்தில் பிரம்மாண்டமாக நடைபெற்றது. 

திருமணம் முடிந்த கையோடு இருவரும் சாமி தரிசனம் செய்ய திருப்பதி சென்றனர்.

சென்னை திரும்பிய உடன் மவுண்ட் ரோடு தாஜ் கிளப்பில் வைத்து செய்தியாளர்களை சந்தித்தனர்.

இங்கு தான் நயன்தாராவை முதல் முறையாக சந்தித்து கதை சொன்னதால் சென்டிமென்டாக பிரஸ்மீட்டை இங்கே வைத்தார் விக்னேஷ் சிவன்.

திருமணத்திற்கு பிறகு மஞ்சள் நிற புடவை, பச்சை ஸ்லீவ்லெஸ் ஜாக்கெட்டில் வந்தார் நயன்தாரா.

நெற்றியில் குங்குமம், கழுத்தில் சிம்பிளான நகை, முகத்தில் பூரிப்பு, சந்தோஷத்துடன் காதல் கணவர் விக்னேஷ் சிவனின் கையை பிடித்தபடி வந்தார் நயன்தாரா.

இருவரும் கூட்டாக, இதுவரை அளித்து வந்த ஆதரவிற்கு நன்றி தெரிவித்தனர். தொடர்ந்து ஆதரவு தர கேட்டுக் கொண்டனர்.

பேசிக் கொண்டிருந்த நயன்தாராவிடம், மேடம்...ஹனிமூன் எங்கே போறீங்க என பத்திரிக்கையாளர் ஒருவர் கேட்டார்.

இதற்கு புன்னகை கலந்த வெட்கத்துடன் விக்னேஷ் சிவனை பார்த்து சிரித்தார் நயன்தாரா.