கலகலப்புக்கு பஞ்சமில்லாமல் நடந்த சைமா 2022 விருது வழங்கும் நிகழ்ச்சி!

2022ம் ஆண்டிற்கான சைமா விருதுகள் வழங்கும் விழா பெங்களூருவில் 10 மற்றும் 11 ஆகிய இரு தினங்களில் நடைபெற்று வருகிறது.

சைமா விருதுகள் அறிவிக்கப்பட்டு 10 ஆண்டுகளை கடந்த நிலையில் இந்த ஆண்டு இந்த விருதுகள் வழங்கும் நிகழ்வு மிகவும் பிரம்மாண்டமாக நடைபெற்றது.

சிறந்த நடிகருக்கான யுவரத்னா விருது மறைந்த கன்னட நடிகர் புனீத் ராஜ்குமாருக்கு வழங்கப்பட்டது. இதையடுத்து அவரது ரசிகர்கள் கண்ணீரால் புனீத்தை நினைவுக்கூர்ந்தனர்.

2022ம் ஆண்டிற்கான சைமா விருதுகள் பல்வேறு கேட்டகரிகளில் வழங்கப்பட்டது. சிறந்த நடிகர், நடிகை, இயக்குநர் என பல பிரிவுகளில் இந்த விருதுகள் வழங்கப்பட்டுள்ளன.

இந்த விருதுகள் வழங்கும் விழாவில் ஏராளமான நடிகர், நடிகைகள், தொழில்நுட்ப கலைஞர்கள் கலந்துக் கொண்டு சிறப்பித்தனர். மிகவும் கலகலப்பாக இரு தினங்கள் விழா நடந்துள்ளது.

தென்னிந்திய படங்களுக்கு வழங்கப்படும் இந்த விருதுகள் தமிழ், தெலுங்கு, மலையாளம் மற்றும் கன்னடத்தில் வெளியான பெஸ்ட் படங்களுக்கு வழங்கப்பட்டுள்ளன.

விழாவில் பாலிவுட் முதல் கோலிவுட் வரை ஏராளமான திரையுலக பிரபலங்கள் கலந்துக் கொண்டனர்.

நிகழ்ச்சியில் பாலிவுட் நடிகர் ரன்வீர் சிங், உலக நாயகன் கமல்ஹாசன், நடிகர்கள் யஷ் மற்றும் அல்லு அர்ஜுன் ஆகியோர் கலந்துக் கொண்டனர்.

தெலுங்கில் புஷ்பா படத்தின் ஹீரோ அல்லு அர்ஜுன் மற்றும் இயக்குநர் சுகுமார் அந்தப் படத்திற்காக விருதுகளை அள்ளினர்.