9 ஆண்டுகளை கடந்த தலைவா படம்.. உற்சாக கொண்டாட்டத்தில் விஜய் ரசிகர்கள்!

நடிகர் விஜய் கோலிவுட்டின் சூப்பர் ஹீரோ. இவரது மாஸ் எப்போதுமே சிறப்பானது. தொடர்ந்து அடுத்தடுத்த சிறப்பான படங்களை தனது ரசிகர்களுக்கு கொடுத்து வருகிறார் விஜய்.

பீஸ்ட் படத்தை தொடர்ந்து தற்போது வம்சி படிப்பள்ளி இயக்கத்தில் வாரிசு படத்தில் நடித்து வருகிறார் விஜய். இந்தப் படம் பொங்கலையொட்டி ரிலீசாக உள்ளதாக கூறப்பட்டுள்ளது.

படத்தில் விஜய்க்கு ஜோடியாகியுள்ளார் ராஷ்மிகா மந்தனா. மேலும் சரத்குமார், ராதிகா, குஷ்பூ, ஜெயசுதா, ஷாம், பிரபு, பிரகாஷ் ராஸ் உள்ளிட்ட நட்சத்திர கூட்டமே இந்தப் படத்தில் நடித்து வருகிறது.

இந்தப் படத்தின் 4வது கட்ட சூட்டிங் தற்போது விசாகப்பட்டினத்தில் நடைபெற்று வருகிறது. படத்தின் ஆக்ஷன் காட்சியின் வீடியோ தற்போது இணையதளத்தில் லீக்காகி படக்குழுவினருக்கு அதிர்ச்சி அளித்துள்ளது.

இந்தப் படத்தை தொடர்ந்து தளபதி 67 படத்திற்காக லோகேஷ் கனகராஜுடன் இரண்டாவது முறையாக இணையவுள்ளார் விஜய். முன்னதாக இந்தக் கூட்டணி மாஸ்டர் படத்தில் இணைந்திருந்தது.

தொடர்ந்து அடுத்தடுத்து வாரிசு, தளபதி 67 என ட்விட்டரில் விஜய் ரசிகர்கள் ட்ரெண்டாக்கி வந்துள்ளனர்.

ஆனால் இவற்றையெல்லாம் ஓரம் தள்ளிவிட்டு இன்றைய தினம் விஜய்யின் தலைவா படம் ட்விட்டரில் ட்ரெண்டாகியுள்ளது. இந்தப் படம் வெளியாகி 9 ஆண்டுகளை கடந்துள்ளது.

கடந்த 2013ல் மிகுந்த சர்ச்சைகளுக்கு இடையில் இதே தினத்தில் வெளியாகி ரசிகர்களை கவர்ந்த படம்தான் தலைவா. இந்தப் படம் தலைப்பு காரணமாக பிரச்சினையில் சிக்கியது.