ஏழு வித்தியாசமான கேரக்டரில் மிரட்டும் விக்ரம்..‘கோப்ரா‘ புது போட்டோஸ்!

டிமாண்டி காலனி, இமைக்கா நொடிகள் படங்களின் வெற்றியைத் தொடர்ந்து அஜய் ஞானமுத்து இயக்கியுள்ள படம் கோப்ரா.

விக்ரம் கதாநாயகனாக நடித்திருக்கும் இப்படத்தில் இவருக்கு ஜோடியாக ஸ்ரீநிதி ஷெட்டி நடித்துள்ளார்.

கே.எஸ்.ரவிகுமார், இந்திய கிரிக்கெட் அணியின் முன்னாள் வீரர் இர்ஃபான் பதான், மியா ஜார்ஜ், கனிகா, மிருணாளினி, ஜான் விஜய் ஆகியோர் முக்கிய கதாபாத்திரத்தில் நடித்திருக்கின்றனர்.

லலித் குமார் தயாரித்துள்ள இப்படத்திற்கு ஏ.ஆர்.ரஹ்மான் இசையமைத்துள்ளார். இப்படத்தின் போஸ்டர்கள், சிங்கிள் பாடல்கள் வெளியாகி ரசிகர்களிடையே நல்ல வரவேற்பை பெற்றது.

படத்தின் இறுதிகட்ட பணிகள் நடந்து வரும் நிலையில் 'கோப்ரா' திரைப்படம் வருகிற ஆகஸ்ட் 11-ம் தேதி திரையரங்குகளில் வெளியாகவுள்ளது.

உதயநிதி ஸ்டாலினின் ரெட் ஜெயன்ட் மூவீஸ் நிறுவனம் இப்படத்தை வெளியிடுகிறது.

கோப்ரா படத்தில் நடிகர் விக்ரம்  7 வித்தியாசமான கதாபாத்திரத்தில் நடித்துள்ளார். அந்த 7 கதாபாத்திரத்திற்கும் வித்தியாசம்  தேவை என்பதால்,  டப்பிங்கிலும் வித்தியாசம் காட்டி உள்ளார்.

கோப்ரா படத்தின் இசை வெளியீட்டு விழா  நடந்து முடிந்துள்ளது.  இப்படத்தின் இடம்பெற்றுள்ள 'தரங்கிணி' என்ற பாடலையும், கோப்ரா படத்தின் அனைத்து பாடல் தொகுப்புகளையும் படக்குழு வெளியிட்டுள்ளது.

நடிகர் விக்ரம் மணிரத்னம் இயக்கத்தில்  உருவாகி வரும்  பொன்னியின் செல்வன் திரைப்படத்தில் ஆதித்ய கரிகாலன் கதாபாத்திரத்தில் நடித்துள்ளார்