பிரமோஷனைத் துவங்கிய பொன்னியின் செல்வன் டீம்.. கலக்கலான போஸ்டர்களை பாக்கலாங்களா!

தமிழ் சினிமாவின் பெருமைமிகு இயக்குநர் மணிரத்னத்தின் கனவு பிராஜெக்டாக உருவாகியுள்ளது பொன்னியின் செல்வன். இந்தப் படம் வரும் செப்டம்பர் 30ம் தேதி திரையரங்குகளில் ரிலீசாக உள்ளது.

படத்தின் ட்ரெயிலர் மற்றும் டீசர், பாடல்கள் என அனைத்தும் வெளியாகி ரசிகர்களை வெகுவாக கவர்ந்துள்ள நிலையில், படத்தின் பிரமோஷனையும் படக்குழு துவங்கவுள்ளது.

இந்தப் படத்தில் நடித்துள்ள விக்ரம், கார்த்தி, த்ரிஷா, ஜெயம் ரவி உள்ளிட்டவர்கள் படத்தில் தங்களது கேரக்டர் பெயர்களை தங்களது ட்விட்டர் பக்கத்தில் வைத்துள்ளனர்.

தொடர்ந்து அந்தப் பெயர்களிலேயே படத்தின் பிரமோஷன் டூர் குறித்தும் அவர்கள் பேசிய நிலையில், இந்த உரையாடல்கள் ரசிகர்களை வெகுவாக கவர்ந்தன.

விரைவில் இந்தப் படத்தின் பிரமோஷன் டூர் சென்னை, தஞ்சாவூர், கேரளா, பெங்களூரு, டெல்லியில் நடக்கவுள்ளதாக படக்குழு சார்பில் கூறப்பட்டுள்ளது. இந்த டூர் துபாயில் நிறைவடையவுள்ளது.

முன்னதாக படத்தின் டீசர், இரண்டு பாடல்கள் மிகவும் பிரம்மாண்டமாக சென்னை மற்றும் ஐதராபாத்தில் நடந்து முடிந்துள்ளது.

இதை தொடர்ந்து படத்தின் இசை மற்றும் ட்ரெயிலர் வெளியீடும் சென்னை நேரு உள் விளையாட்டு அரங்கத்தில் மிகவும் சிறப்பாகவே நடைபெற்றது.

தற்போது இந்தப் படத்தின் பிரமோஷனல் டூர் நடைபெறவுள்ள நைலயில், இதில் விக்ரம், கார்த்தி, ஜெயம்ரவி, த்ரிஷா உள்ளிட்டவர்கள் கலந்துக் கொள்வார்கள் என்று கூறப்பட்டுள்ளது.

இதற்கிடையில் படத்தின் புதிய போஸ்டர்களையும் படக்குழு வெளியிட்டுள்ளது. மேலும் படத்தின் டிஜிட்டல் உள்ளிட்ட உரிமைகளும் அதிக விலைக்கு விற்றுத் தீர்ந்துள்ளதாக கூறப்பட்டுள்ளது.