Don't Miss!
- News திண்டுக்கல்-பொள்ளாச்சி பஸ் பெயர் பலகையையில் என்ன "ஓடிச்சி" பாருங்க.. தலைசுற்றிப்போன மக்கள்
- Sports IPL Classics - 2010 சீசன் அரையிறுதியில் CSK வென்றது எப்படி? பலம் வாய்ந்த டெக்கான் அணியுடம் மோதிய கதை
- Technology BSNL தான்யா டாப்பு.. Jio-வுக்கும் Airtel-லுக்கும் ஆப்பு.. 200 ரூபாய்க்குள் 70 நாள் வேலிடிட்டி.. எந்த திட்டம்?
- Lifestyle கால்களில் இந்த அறிகுறிகள் தெரியுதா? அப்ப சிறுநீரக நோய் இருக்கு-ன்னு அர்த்தம்.. உஷார்...
- Finance 6 மாதங்களில் 73% வளர்ச்சி.. ஜியோ ஃபைனான்சியல் சர்வீசஸ் பங்குகள் அள்ளிக் கொடுத்த லாபம்..!
- Travel இந்தியாவில் உள்ள புனிதமான காடுகள் – வாழ்வில் ஒரு முறையேனும் இந்த காடுகளுக்கு செல்ல வேண்டும்!
- Education சென்னை ஏர்போர்ட்டில் பணிபுரிய ஆசையா...!
- Automobiles அரபு நாடுகளுக்கு ஆப்பு வைக்கும் இந்தியா... அவங்க பொழப்புல மொத்தமா மண்ணை அள்ளி போட்டுட்டாங்க...
நேபாளி- பட விமர்சனம்
மன்மதன், கஜினி என சில படங்களின் கதைகளை நினைவுபடுத்துவது போன்ற தோற்றம் ஏற்படுவதை படம் பார்க்கும்போது தவிர்க்க முடியவில்லை. அறுதப் பழசான பழிவாங்கும் கதைதான். ஆனால் சற்று வித்தியாசமாக கொடுக்க முயன்றிருக்கிறார் துரை.
கார்த்திக் (பரத்) ஒரு சாப்ட்வேர் என்ஜீனியர். ஊட்டியில் பிரியாவை (மீரா ஜாஸ்மின்) சந்திக்கிறார். வழக்கம் போல கண்டதும் காதல். குடும்பம் எதிர்க்கிறது. வீட்டை விட்டு வெளியேறி கல்யாணம் செய்து கொள்கிறார்கள்.
ஆனால் போலீஸ் அதிகாரி ராஜா ரவீந்தர், பிரியாவை கற்பழிக்க முயலுகிறார். அந்த முயற்சியில் பிரியா கொல்லப்படுகிறார்.
வெகுண்டெழும் கார்த்திக், போலீஸ் அதிகாரியைக் கொன்று தீர்க்கிறார். சிறைக்குச் செல்கிறார்.
6 வருட சிறைவாசம். முடிந்து வெளியே வரும் கார்த்திக், சீரியல் கில்லராக மாறுகிறார். அலுவலகங்களில் பெண்களை டார்ச்சர் செய்பவர்களைக் குறி வைத்துக் கொல்கிறார். கொன்று முடித்த பின்னர் மரணம் எப்படி நிகழ்ந்தது என்பதை விளக்கி குறிப்பும் வைத்து விட்டுப் போகிறார்.
சீரியல் கொலைகாரனைப் பிடிக்கும் பொறுப்பு போலீஸ் அதிகாரியான கெளதமிடம் (பிரேம்) கொடுக்கப்படுகிறது. கொலைகாரனைப் பிடிக்க கடுமையாக முயலுகிறார் கெளதம். அவர் பிடித்தாரா, பரத்தின் வெறி அடங்கியது, கடைசியல் என்ன ஆகிறார் பரத் என்பதுதான் படத்தின் மீதக் கதை.
மூன்று விதமான கெட்டப்களில் கலக்கியுள்ளார் பரத். கொடுத்த வேடத்தை சிறப்பாக செயதிருக்கிறார். இருப்பினும் சில இடங்களில் அவரது நடிப்பில் ஆழம் இல்லாததால் கவரத் தவறி விட்டார். படத்திற்கு முக்கிய வில்லனே திரைக்கததைதான். படு வீக் ஆன கதையால், படத்தின் வேகம் விறுவிறுப்பாக இல்லை.
பரத்துக்கு வேடப் பொருத்தங்கள் நன்றாகவே உள்ளது. ஆனால் நேபாளி வேடம்தான் படு செயற்கையாகத் தோன்றுகிறது. எனக்குள் ஒருவன் கமலை மாடலாக வைத்து மேக்கப் போட்டுள்ளனர் போல, ஆனால் பரத்துக்குத்தான் அது ஒட்டவில்லை.
மீராவும், பரத்தும் இடம் பெறும் காதல் காட்சிகள் படு ஹாட். ஆனால் சில இடங்களில் பரத்துக்கு அக்கா போல தென்படுகிறார் மீரா.
பிரேம், கோவிந்த் நாம்தேவின் நடிப்பு நிறைவாக உள்ளது.
ஸ்ரீகாந்த் தேவாவின் பின்னணி இசையில் சத்தம் ஜாஸ்தி (சவுண்டை குறைங்க வாத்தியாரே!) பின்னணி இசை, பல இடங்களில் 7ஜி ரெயின்போ காலனியை ஞாபகப்படுத்துகிறது.
கேமராமேன் மதி, கவிதை பாடியுள்ளார். கதையின் மூடுக்கேற்றார் போல அவரது கேமராவும் கூடவே போயிருக்கிறது.
படத்தில் உள்ல பாசிட்டிவான விஷயங்களில் ஒன்று கிளைமாக்ஸ். வித்தியாசமாக இருக்கிறது, நன்றாகவும் இருக்கிறது.
சரியில்லாத கதையுடன் மேற்கொள்ளப்பட்டுள்ள வித்தியாசமான முயற்சி நேபாளி.
பரத்தின் வித்தியாசமான நடிப்புக்காக பார்க்கலாம்.
-
அஜித் பிறந்தநாளுக்கு அல்லு அர்ஜுனின் தாறுமாறான ட்ரீட்.. புஷ்பா 2 ஃபர்ஸ்ட் சிங்கிள் அப்டேட் இதோ!
-
ரஜினிகாந்துக்கு 300 கோடி சம்பளமா?.. பலருக்கு தூக்கமே போயிடுமே பாஸ்.. டைட்டில் மட்டும் தான் ‘கூலி’!
-
சுடர் மீது புகார் கொடுத்த எழில்.. கண்கலங்கிய அஞ்சலி நினைத்தேன் வந்தாய்.. இன்றைய எபிசோட் அப்டேட்!