Click it and Unblock the Notifications
டைகர் கா ஹூக்கும் இல்ல வெறும் 'ஹூக்கும்'.. ஜெயிலர் படத்தின் மெகா லாஜிக் ஓட்டைகள்.. ஒரு ஜாலி ரோஸ்ட்!
சென்னை: ஒரு சினிமா ஹிட் அடிச்சா, அதே ஃபார்முலாவை வச்சு இன்னும் பத்து படம் எடுக்குறது நம்ம தமிழ் சினிமாவோட ஆதிகாலத்து வழக்கம். ஆனா, அதுல ஒரு சில படங்கள் மட்டும்தான் தப்பிக்கும், மத்ததெல்லாம் டெபாசிட் கூட இல்லாம ஊத்திக்கிட்டு போகும். அப்படி "நாம பார்க்காத ரஜினியா? நாம பார்க்காத கதையா? என எல்லாரும் யோசிச்சுட்டு இருக்கும்போது, பாக்ஸ் ஆபீஸையே அலறவிட்ட படம் தான் 'ஜெயிலர்'.
ஆனா, அன்னைக்கு தியேட்டர்ல அனிருத் போட்ட சத்தத்துல லாஜிக் ஓட்டையெல்லாம் காது அடச்சிபோய் கவனிக்காம விட்ட ரசிகர்கள், இப்போ நிதானமா டிஜிட்டல் மீடியால படத்தை பார்க்கும்போதுதான் மண்டையை பிச்சுகிட்டு கேக்குறாங்க... "யோவ் நெல்சன்... என்னய்யா பண்ணி வச்சிருக்கீங்கனு?
தமன்னாவின் 'காவாலா' ஆட்டம்: படத்தோட மிகப்பெரிய ஹைப்பே தமன்னாவோட 'காவாலா' பாட்டு தான். யூடியூப்ல மில்லியன் கணக்குல வியூஸ் போச்சு ஓகே... ஆனா, படத்துல அது எதுக்கு வந்துச்சுன்னு யாருக்கும் தெரியாது. மகனை கடத்தி வச்சிருக்கான், அவனை காப்பாத்தப் போற வழியில தமன்னா கூட டான்ஸ் ஆடுறாரு. மகன் உசுரு ஊசலாடிக்கிட்டு இருக்கு, இவரு அங்கே தமன்னாவோட காவாலா ஆடிட்டு இருக்காரு என தியேட்டர்ல ரசிச்சவங்க கூட இப்போ மொபைல்ல பார்க்கும்போது மூக்குல கை வைக்கிறாங்க. தமன்னாவோட அந்த கவர்ச்சி ஆட்டமும், ரீல்ஸ் வைபும் இல்லைன்னா அந்த செகண்ட் படம் ஓடியிருக்குமா.
காமெடி பீஸ் பிளாஸ்ட் மோகனும்: படத்துல மிகப்பெரிய கொடுமை என்னன்னா, அது அந்த 'கிரீடம்' திருடுற சீன் தான். "யாரும் பார்க்காத கிரீடம், விலை மதிக்க முடியாத கிரீடம், பல அடுக்கு பாதுகாப்பு, அப்படி இப்படின்னு வாய்க்கு வந்த புருடாவையெல்லாம் விட்டுட்டு, கடைசியில அதை திருடுறதுக்கு கூட்டிட்டு வர்றது யாரை? நம்ம காமெடி பீஸ் பிளாஸ்ட் மோகனை (சுனில்). அவரை வச்சு சினிமா சூட்டிங், கடத்தல் முயற்சி என நெல்சன் அடிச்ச லூட்டி இருக்கே... அப்பாடா...
பீஸ்ட் பட வில்லன் மாதிரி பாவம்: விலை மதிப்பில்லாத கிரீடம் என பில்டப்பை ஏற்றிவிட்டு கடைசியில், அந்த கிரீடத்தை பார்த்தா, ஏதோ.. அட்டையிலே கோல்ட் பேப்பரை சுத்தி, நடுவுல ஒரு கல்லை பதிச்சி வெச்சிட்டாங்க, கடைசியில் அந்த கிரீடம் 'பீஸ்ட்' பட வில்லன் மாதிரி பாவமா இருந்தது. இந்த லட்சணத்துல இருக்குற கிரீடத்தை திருடவா இவ்வளவு அக்கப்போர்? என ரசிகர்களை ஓப்பனாவே புலம்ப வச்சுட்டாங்க. இதுமட்டும் தானா இதோடு ஸ்பெஷல் ஐட்டம் ஒன்று இருக்கு என்று சொல்லும் அளவிற்கு வில்லன் விநாயகன் கேரக்டரை காட்டி கடைசியில், அவரை அந்தரத்துல தொங்கவிட்டுவிட்டார் இயக்குநர்.
படம் வெறும் 'ஹூக்கும்' தான்: உண்மையை சொல்லணும்னா, ஜெயிலர் படம் முழுக்க முழுக்க 'பில்டப்' மட்டும் தான். முத்துவேல் பாண்டியன் என்கிற அந்த ரஜினிகாந்த் கதாபாத்திரத்தின் பின் கதையாக வரும் அந்த சில நிமிட பிளாஷ்பேக் மட்டும்தான் படத்துல ரசிக்கும்படியா இருந்துச்சு. அதைத் தாண்டி படத்துல லாஜிக்னு ஒண்ணு தேடினாலும் கிடைக்காது. படத்துல இருந்து அனிருத்தோட 'டைகர் கா ஹூக்கும்' பிண்ணனி இசையையும், ரஜினியோட மாஸ் என்ட்ரியை மட்டும் தூக்கிட்டீங்கன்னா... படம் வெறும்... 'ஹூக்கும்' தான்! இவ்வளவு ஓட்டைகள் இருந்தும், தியேட்டர் வைப் மற்றும் ரஜினி-அனிருத் காம்போ மேஜிக்கால் மட்டுமே இந்த படம் பிளாக்பஸ்டர் ஹிட் அடிச்சது.
Continue with Google