Don't Miss!
- Technology அம்மா வாங்க.. ஐயா வாங்க! கிட்டத்தட்ட பாதி விலை டிஸ்கவுண்ட்.. Amazon-ல் கூவிக்கூவி விற்கப்படும் ஐந்து 4K TVகள்!
- Automobiles பைக் வாங்கும்போது நம்ம பசங்க தப்பு பண்றது இதில்தான்!! கேடிஎம் பைக்கின் விலையில் கிடைக்கும் 6 பவர்ஃபுல் பைக்ஸ்!
- Education தமிழக வேளாண் துறையில் காத்திருக்கும் வேலை...!
- News ஜெகத்ரட்சகன் சொத்து மதிப்பு எவ்வளவு ? கடன் மட்டும் ரூ.649 கோடி.. சொந்தமாக ஒரு கார் கூட இல்லை
- Lifestyle இந்த 5 ராசிகளில் பிறந்த பெண்கள் வீட்டையும், நாட்டையும் ஆள்வதற்கு பிறந்தவர்களாம்... உங்க ராசி இதுல இருக்கா?
- Finance தங்கம் விலை இமாலய உச்சத்தை தொட்டது.. சென்னை, கோவை, மதுரையில் இன்று என்ன விலை..!!
- Sports முட்டாள்தனம்.. என்னையா டீமை விட்டு விரட்டி விட்டீங்க.. ஐபிஎல் அணியை கதற விட்ட ஆவேஷ் கான்
- Travel டைட்டானிக் கப்பல் மூழ்கி இருக்கலாம் – ஆனால் அதைப் பற்றிய சுவாரஸ்யமான உண்மைகள் மறையாது!
Disco Raja Review : 35 வருஷத்துக்கு முன் உயிரிழந்த ரவுடிக்கு மீண்டும் உயிர் கொடுத்தால்..?
சென்னை: முப்பத்தைந்து வருஷத்துக்கு முன் உயிரிழந்த ரவுடிக்கு மீண்டும் உயிர் கொடுத்தால் அவர் என்ன செய்கிறார் என்பதுதான் டிஸ்கோ ராஜா.
லடாக்கில், டிரெக்கிங் செல்லும் இளைஞர்கள், 35 வருடத்துக்கு முன் உறைந்த உடல் ஒன்றை மீட்கிறார்கள். அதை லேப் ஒன்றுக்கு அனுப்ப, அதை பரிசோதனை எலியாகப் பயன்படுத்த நினைக்கிறார் மருத்துவர். 'சப்ஜெக்டான' இந்த உடலுக்கு மீண்டும் உயிர் கொடுக்க முயற்சிக்கிறார்கள்.
ஒர்க் அவுட் ஆகிறது. உயிர் வந்துவிட்டது, ஆனால் நினைவில்லை. ஒரு கட்டத்தில், தான் யார் என்பதும் தன்னை ஒரு கும்பல் கொன்றது என்பதும் 'சப்ஜெக்ட்'டுக்கு தெரிந்துவிடுகிறது.
இதற்கிடையே, அந்த சப்ஜெக்ட்டை போல உருவம் கொண்ட வாசுவை அவரது குடும்பத்தினர் தேடிவருகின்றனர். டெல்லியில் இருக்கும் சப்ஜெக்ட்டை டிவியில் பார்த்து வாசுவென நினைத்து அங்கு வருகிறார்கள் உறவினர்கள். தான் வாசு இல்லை, டிஸ்கோ ராஜா என்கிறார் சப்ஜெக்ட்! சப்ஜெக்ட் யார்? அவரைக் கொன்றது யார்? வாசு யார்? என்பதை நீட்டி முழக்கிச் சொல்கிறது படம்.
எடுத்துக்கொண்ட கதையில் கவனம் ஈர்த்த இயக்குனர் விஐ ஆனந்த், முதல்பாதிவரை அசத்தலாகக் கொண்டு சென்றிருக்கிறார். ஆனால் பின்பாதி?
பிளாஷ்பேக் காட்சியில், இயர்போன் மாட்டியபடி டிஸ்கோவுக்கு கை கால்களை ஆட்டி ரவிதேஜா அடிக்கும் லூட்டிகள் கலகலப்பு. பாடலைக் கேட்டவாறு அவர் ஆக்ரோஷ ஆக்ஷன் அவதாரம் எடுப்பதை அப்படி ரசிக்கிறார்கள், ரசிகர்கள். எப்போதும் சிரித்துக்கொண்டே இருக்கும் அவர், வாய் பேச முடியாத பெண்ணை விரட்டி விரட்டி காதலித்து திருமணம் முடிப்பது, ஒரு கட்டத்தில் எல்லாத்தையும் விட்டுவிட்டு மனைவியுடன் வேறு வாழ்க்கைக்கு செல்வது, எதிரி பாபி சிம்ஹாவுக்கு சவால் கொடுப்பது என நிறைவான நடிப்பு.
மற்றொரு கேரக்டரில் சாதராண இளைஞன் வாசு. படுக்கையில் இருக்கும் அப்பா, உடல் ஊனமான உறவினர் குழந்தை என மெகா குடும்பம்... அவர்களுக்காக இரவு பகலாக உழைக்க வேண்டிய பொறுப்பு என அப்பாவி நடிப்பில் கவனிக்க வைக்கிறார். அவருக்கு சரிசமமாக, பர்மா சேது கேரக்டரில் பம்பரம் சுற்றுகிறார் பாபி சிம்ஹா. அடிதடி, கொலை, டூப்ளிகேட் தொழில் என அடாவடி தாதா கேரக்டர். இதுப் போன்ற கேரக்டர் எல்லாம் அல்வா சாப்பிடுவது போல ஐயாவுக்கு. அதை செவ்வனே செய்கிறார்.
டைமிங் காமெடியில், ஆங்காங்கே சிரிக்க வைக்கிறார் வெண்ணிலா கிஷோர். இன்னொரு காமெடியனான சுனில், வேறு அவதாரம் எடுத்திருக்கிறார் இதில். உத்தர் குமார் கேரக்டரில் மிரட்டல். படத்தின் தன்யா ஹோப், பாயல் ராஜ்புத், நபா நடேஷ் என மூன்று ஹீரோயின்கள். பாயல் ராஜ்புத்துக்குத்தான் நடிக்க வாய்ப்பு. கொஞ்ச நேரமே வந்தாலும் ஈர்க்கிறார். மற்றவர்களுக்கு அதிக வேலை இல்லை.
பின்பாதி கதை சென்னையில் நடப்பதால், அங்காங்கே தமிழ் வசனங்களையும் தூவியிருக்கிறார்கள். தமனின் பின்னணி இசை கதையோடு பயணிக்க வைக்கிறது. கார்த்திக்கின் கேமரா, 80 களையும் தற்போதைய காட்சிகளையும் அழகாக வேறுபடுத்தி காட்டுகிறது. தொடர் தோல்வியில் இருந்து மீள இந்தப் படம் கைகொடுக்கும் என்று நினைத்திருந்த ரவிதேஜாவுக்கு ஆறுதலை மட்டுமே கொடுத்திருக்கிறது டிஸ்கோ ராஜா.
இப்படித்தான் இருக்கும் என்று யூகிக்கக் கூடிய திரைக்கதை, தேவையில்லாத பாடல் காட்சி, நீளமான பிளாஷ்பேக், லாஜிக் மீறல்கள் ஆகியவை மைனஸ். 70 வயது ஆள், முப்பத்தைந்து வயது தோற்றம், மெட்ராஸ் கபே, டிஸ்கோ டான்ஸ் என செல்லும் கதையில் அங்காங்கே வரும் ஆஹா ட்விஸ்ட்கள் ரசிக்க வைக்கின்றன. ஆனால் அதுமட்டும் போதாதே!