SAMI KIDA Mini Series Review: சாமி கிடா விமர்சனம்.. மினி சீரிஸில் இப்படி ஒரு சப்ஜெக்ட்டா.. எப்படி இருக்கு?
சென்னை: சமூக வலைதளங்களில் தாக்கம் சினிமா உலகத்தையும் பெருமளவில் தாக்கத்தையும் ஏற்படுத்தி வருகிறது. ஒரு படத்தின் பாடல் வெளியானால் கூட ரீல்ஸ்களில் டிரெண்ட் ஆகிறதா என்று பார்த்து தான் அதன் அடுத்தகட்ட பிசினஸ் இருக்கிறது. இப்படி இருக்கையில் தியேட்டர், சாட்டிலைட், ஓடிடி என இருந்த சினிமா தற்போது லேசாக மினி சீரிஸ் என்ற அவதாரம் எடுத்துள்ளது. பல முன்னணி ஓடிடி தளங்களே இந்த மினி சீரிஸ்களை ஸ்ட்ரீம் செய்து வருகிறது.
அந்த வகையில் கதை ஷார்ட்ஸ் தளத்தில் ஸ்ட்ரீம் ஆகி வரும் சாமி கிடா என்ற மினி சீரிஸ் குறித்த விமர்சனத்தை இந்த தொகுப்பில் காணலாம். சீரீஸின் கதையைப் பொறுத்தவரையில் கிராமத்தில் சில அமானுஷ்யங்கள் நடக்கிறது. சாமிக்கு பலியிட வைத்திருந்த கிடாய்கள் முன்னரே யாரோவால் பலியிடப்பட்டு விடுகிறது. இதனால் கோவில் திருவிழா நடத்த முடியாமல் இருக்கிறது. இந்நிலையில் திருவிழாவை நடத்த கிடா வாங்கி வரச் சொல்லி அந்த ஊரில் இருக்கும் இளைஞர்களிடம் பொறுப்பை ஒப்படைக்கிறார்கள். இது மட்டும் இல்லாமல் அந்த கிடா யாரிடம் வாங்க வேண்டும் என்ற நிபந்தனையும் உள்ளது. இப்படியான நிபந்தனைக்கு ஏற்ற வகையில் கிடாய் வாங்கினார்களா? அதன் பின்னர் திருவிழா நடத்தினார்களா? என்பது மீதிக்கதை.

ஒரு மினி சீரிஸ்க்கு இந்தக் கதை போதுமானது என்றாலும், காட்சிகள், டயலாக்குகள், அடுத்தடுத்த கதை நகர்வுகள், என எல்லாம் சுவாரஸ்யம் போதுமானதாக இல்லை. மேலும் சீரிஸ் முழுவதும் பல காட்சிகள் மிகவும் ஆர்ட்ஃபிசியளாகவே உள்ளது. இயல்பான நடிப்பே அரிதான காட்சிகள் தான் என்று கூறும் அளவுக்கு உள்ளது. இந்த மினி சீரிஸில் இருக்க கூடிய ஒரே பிளஸ் பின்னணி இசை மட்டும் தான்.
கிராமத்து பின்னணி எனும்போதும் அவற்றை காட்சிகளாக பார்க்கும்போது பெரிய அளவில் கனெக்ட் ஆகவில்லை. மேலும், வெர்ட்டிக்கல் ஸ்கிரீனில் பார்ப்பதாலோ என்னவோ கிராமத்து பின்னணி என்ற உணர்வை எட்ட முடியவில்லை. சில காட்சிகளையும் வசனங்களுமே அவர்கள் எடுத்துக் கொண்ட கதைக்கு தேவையில்லாததோ என்ற கேள்வி எழாமல் இல்லை. மொத்ததில் எடுத்துக் கொண்ட கதைக்கு இழுவையான திரைக்கதை மொத்தமாகவே ஒட்டவில்லை.



Click it and Unblock the Notifications