சூப்பர் பவர் இருக்கா? ரீல்ஸ் ஆடியன்ஸைக் குறிவைத்த 'சூப்பர் பேச்சுலர்ஸ்' மினி சீரிஸ் விமர்சனம்!

சென்னை: இப்பல்லாம் டிவி முன்னாடி உக்காந்து சீரியல் பார்க்கிற காலம் மலையேறிப்போச்சு பாஸ். உலகமே மொபைல் ஸ்க்ரீனுக்குள்ள சுருங்கிப்போன இந்த டிஜிட்டல் காலத்துல, ரீல்ஸ் பாக்குற கேப்ல ஒரு முழு வெப் சீரிஸையே பார்த்து முடிக்கிற அளவுக்கு ஒரு புது ட்ரெண்ட் வந்திருக்கு. அந்த வகையில, கதை ஷார்ட்ஸ் ஆப் ல ரிலீஸாகி நெட்டிசன்கள் மத்தியில் கவனம் பெற்றுள்ளது "சூப்பர் பேச்சுலர்ஸ்" மினி வெப் சீரிஸ்.

இயக்குநர் விஜய் வரதராஜன் இயக்கத்துல, வெங்கட் பாலமுரளி, ஹப்ரீஸ், தீனான்னு ஒரு குறும்புத்தனமான கேங் நடிச்சிருக்கிற இந்த சீரிஸ், மொத்தம் 28 எபிசோட். இப்படி சொன்னதும ஷாக் ஆகாதீங்க, ஒவ்வொரு எபிசோடும் வெறும் ஒரே ஒரு நிமிஷம் தான்.

Photo Credit:

Kadhai Shorts

சூப்பர் பேச்சுலர்ஸ்: ஒரே வீட்டுல நாலு பேச்சுலர்ஸ் தங்கியிருக்காங்க. அவங்க சும்மா தங்கியிருக்கல, அவங்ககிட்ட விசித்திரமான 'சூப்பர் பவர்ஸ்' இருக்கு.

பேச்சுலர் 1: ஒருவருக்கு ராத்திரியில தூக்கமே வராது, பகல்ல மட்டும்தான் தூங்குவாரு. அதனால, நைட் டைம்ல நடக்குற க்ரைம்களை தடுத்து மக்களுக்கு ஹெல்ப் பண்றாரு.

பேச்சுலர் 2: இவரு ஸ்பீடு 'ஃபிளாஷ்' மாதிரி அதிவேகமா ஓடி வேலை செய்ற எக்ஸ்பிரஸ் மனிதர்.

பேச்சுலர் 3 (மணி): இவருதான் அல்டிமேட்.. 'டைம் ட்ராவல்' பண்ணி கடந்த காலத்துக்கு போற விசித்திர சக்தி படைச்சவரு. இப்படி அவர்களுக்கு இருக்கும் பவரால் ஒரு கம்பேனி இவர்களை வேலைக்கு எடுத்து மக்களுக்கு உதவி செய்வதை வைத்து சம்பளம் தருகிறது.

Photo Credit:

Kadhai Shorts

படத்தின் கதை: இந்த பேச்சுலர் வீட்டுக்குள்ள, தனக்குள்ள என்ன சூப்பர் பவர் இருக்கு என்பதை தெரிந்து கொள்ளும் ஆசையில், ஒரு புது பையன் இந்த பேச்சுலர்ஸ் வீட்டுக்கு வர்றான். இவங்க நாலு பேரும் சேர்ந்து மண்டையை பிடிச்சுக்கிட்டு அவனோட பவரை கண்டுபிடிக்க ட்ரை பண்றாங்க. ஆனா, அவன்கிட்ட துளிக்கூட பவர் இல்லைன்னு தெரிஞ்சு, தம்பி.. கிளம்பு, வீட்டுக்கு போ என துரத்த. அப்போதான் அந்தப் பையன் ஒரு குண்டை போடுறான். என்கிட்ட சூப்பர் பவர் இல்லைதான்.. ஆனா, அளவில்லாத பணம் இருக்கு. என் அப்பா என்னை சூப்பர் மேன் என நம்புறாரு, என்கிட்ட இருக்கும் பவரை கண்டுபிடிக்க தான் இங்கு அனுப்பி வெச்சாரு என்று சொல்லி, கதறி அழுது அங்கேயே செட்டில் ஆகுறான்.

கிளைமேக்ஸ் ட்விஸ்ட்: கதை நல்லாதானே போய்ட்டு இருக்குன்னு நினைக்கும்போது, 'டைம் ட்ராவல்' பண்ற மணி, ஃபியூச்சரை எட்டிப் பார்க்கிறான். அங்கதான் ஒரு பேரதிர்ச்சி! இந்த புதுசா வந்த பணக்கார இளைஞனாலதான் ஃபியூச்சர்ல ஒரு மிகப்பெரிய ஆபத்து வரப்போகுதுன்னும், அவன் இந்த நாலு பேரோட சூப்பர் பவரையும் அழிக்கப் போறான்னும் என்ற விஷயம் மணிக்கு தெரிய வருது. அதன் பிறகு அந்தப் பையன் வில்லனாக மாறுறானா? அவனோட நிஜமான பவர் என்ன? இந்த நாலு பேச்சுலர்ஸும் தங்களோட சூப்பர் பவர்ஸை காப்பாத்துனாங்களா? இல்லையா? என்பதுதான் மீதிக்கதை! மினிட்' மேஜிக் ஒர்க் அவுட் ஆச்சா?: கம்மி நேரத்துல காமெடி, ஃபேண்டஸி, சூப்பர் ஹீரோ எலிமெண்ட்ஸ் என எல்லாத்தையும் மிக்ஸ் பண்ணி, மொபைல் ஆடியன்ஸை போரடிக்க வைக்காம நகருகிறது இந்த சீரிஸ்.