TamilRockerz Web series Twitter Review: அருண் விஜய்யின் தமிழ்ராக்கர்ஸ் வெப்சீரிஸ் எப்படி இருக்கு?

தமிழ்ராக்கர்ஸ் வெப்சீரிஸ்

சினிமா உலகிற்கே சாபக்கேடாக மாறி உள்ள பைரஸி வெப்சைட்கள் மற்றும் திருட்டு டிவிடிக்கள் பற்றிய கதை தான் இந்த தமிழ்ராக்கர்ஸ். தமிழ்ராக்கர்ஸ் எனும் பெயரில் வெப்சைட் தொடங்கப்பட்டு ரிலீஸாகும் புதிய படங்கள் படம் தியேட்டரில் 3 மணி நேரம் ஓடி முடித்த அடுத்த நொடியே அப்லோடு ஆகி ஏகப்பட்ட தயாரிப்பாளர்கள் தலையில் துண்டை போட வைக்கும் அபாயத்தை உண்டு செய்துள்ளது.

பைரஸியை தடுக்க முடியல

இன்று வெளியான திருச்சிற்றம்பலம் திரைப்படம் மற்றும் நாளை சோனி லைவ்வில் வெளியாக உள்ள தமிழ்ராக்கர்ஸ் வெப்சீரிஸ் உள்பட அனைத்துமே பைரஸியாக வந்து விடுகின்றன. அதை எவராலும் தடுக்க முடியவில்லை. ஓடிடி படைப்புகள் என்றால், உடனடியாக ஹெச்டி தரத்துடனே வெளியாகி விடுகிறது. பல ஓடிடிக்களுக்கு சப்ஸ்கிரைப் செய்ய முடியாத சூழலில் மக்களும் இதுபோன்ற திருட்டு வெப்சைட்களை ஆதரிப்பது தான் அதன் வளர்ச்சியாகவே பார்க்கப்படுகிறது.

சாம் ஆண்டன் விமர்சனம்

டார்லிங், 100, கூர்கா உள்ளிட்ட படங்களை இயக்கிய இயக்குநர் சாம் ஆண்டன் தற்போது அருண் விஜய்யின் அறிமுக வெப்சீரிஸான தமிழ்ராக்கர்ஸ் பார்த்து விட்டு தனது விமர்சனத்தை முன் வைத்துள்ளார். 4 எபிசோடுகள் பார்த்தேன். அருண் விஜய் சார் அசத்திட்டீங்க, இயக்குநர் அறிவழகன் ஒவ்வொரு காட்சியிலும் பக்கா டீட்டெய்ல், தமிழ்ராக்கர்ஸ் வெப்சீரிஸ் பாதிக்கப்பட்டவர்களின் பக்கத்தை எடுத்து சொன்ன விதம் அருமை என பாராட்டி உள்ளார்.

பிரசாந்த் விமர்சனம்

சிறப்பு காட்சியில் திரையிடப்பட்ட முதல் 4 எபிசோடுகளை பார்த்தேன். இயக்குநர் அறிவழகன் ரொம்பவே என்கேஜிங்காக இந்த வெப்சீரிஸை இயக்கி உள்ளார். வழக்கம் போல அளந்த நடிப்பை அருண் விஜய் கொடுத்து தனக்கு கொடுத்த வேலையை கச்சிதமாக செய்துள்ளார் என பிரசாந்த் ரங்கசாமி விமர்சித்துள்ளார்.

என்ன கதை

"பல சாமானிய மக்கள் பங்கேற்கப்படும் குற்றத்தின் கதை! #Tamilrockerz - #SonyLIV தமிழ் web series Aug 19 முதல்." என ஏவிஎம் நிறுவனமே தமிழ்ராக்கர்ஸ் வெப்சீரிஸின் கதையை அறிவித்துள்ளனர். ஓடிடி ரசிகர்களுக்கு இந்த வாரம் செம ட்ரீட் காத்திருக்கிறது. அருண் விஜய்யின் யானை திரைப்படம் நாளை ஜீ5 ஓடிடி தளத்தில் வெளியாகிறது.