தொடங்கியது கமல்ஹாசனின் விஸ்வரூபம்- ஜோர்டனில் ஷூட்டிங்!

கமலின் விஸ்வரூபம் படத்தின் ஷூட்டிங் தொடங்கி விட்டது. முதல் கட்ட ஷூட்டிங்கை சென்னையில் முடித்துள்ளனர். அடுத்த கட்ட படப்பிடிப்பு ஜோர்டனில் நடைபெறவுள்ளது.இதற்காக கமல் உள்ளிட்ட படக் குழுவினர் ஜோர்டன் கிளம்புகின்றனர். நாயகி அனுஷ்காவும் அவர்களுடன் இணைந்து கொள்கிறார்.

விஸ்வரூபம் முதற்கட்ட படப்பிடிப்பு பழைய மகாபலிபுரம் பகுதியில் சமீபத்தில் தொடங்கியது. இரண்டாம் கட்டப் படப்பிடிப்பு வெளிநாடுகளில் நடக்கிறது. ஆரம்பத்தில் பிரிட்டன், கனடா, அமெரிக்கா என பல நாடுகளை யோசித்த கமல், இப்போது ஜோர்டனில் படப்பிடிப்பு நடத்த திட்டமிட்டுள்ளார். கமல்ஹாசன் உள்ளிட்டோர் முதலில் ஜோர்டன் புறப்படுகின்றனர். அவர்களுடன் அனுஷ்காவும் இணைகிறார் என்று தகவல்கள் கூறுகின்றன.பிரான்ஸிலும் சில காட்சிகள் படமாகும் என்று கூறப்படுகிறது.

இந்தப் படத்துக்காக தனி சாப்ட்வேர் நிபுணர் குழுவையே வைத்துள்ளாராம் கமல். படமாக்கப்படும் காட்சிகள் உடனுக்குடன் எடிட்டிங் மற்றும் கிராபிக்ஸ் செய்யப்பட்டு வருகிறதாம்.