முகப்பு

சூட்டிங் ஸ்பாட்

ஆசினைச் சுற்றிச் சுற்றி வந்த புது 'ரசிகன்'-சாக்லேட், ரோஸ் கொடுத்து அசத்தல்!

பாலிவுட்டில் நுழைந்துள்ள ஆசினுக்கு ஒரு தீவிர ரசிகன் கிடைத்துள்ளார். இதனால் ஆசின் படுகுஷியாகியுள்ளார்.

பிரபல பாலிவுட் இயக்குனர் சாஜித் நாதியாத்வாலாவின் படமான ஹவுஸ்புல் 2-ல் ஆசின் நடித்து வருகிறார். இந்த படபிடிப்பில்தான் அந்த புது ரசிகன் ஆசினுக்குக்கிடைத்தார்.

கட்... கற்பனையை வேகமாக ஓட விட வேண்டாம். அந்த ரசிகர், பாலிவுட் நடிகரோ அல்லது வேறு யாருமோ கிடையாது. 8 வயதேயாகும் ஒரு குட்டிப் பையன்தான். படத்தின் இயக்குனர் சாஜிதின் 8 வயது மகன் சுபான்தான் ஆசினைப் பிடித்துள்ள புது ரசிகன்.

படப்பிடிப்பை ஜாலியாக பார்க்க வந்த சுபானுக்கு ஆசினைப் பிடித்துவிட்டது. ஆசினுக்கும் சுபானை பிடித்துவிட்டது. அசின் போகும் இடமெல்லாம் சுபானும் செல்கிறான். அவ்வப்போது சாக்கலேட்டுகள், ரோஜாப்பூக்கள் கொடுத்து ஆசினை அசத்துகிறானாம் பொடியன். அடடா என் மேல் எவ்வளவு பாசம் வைத்துள்ளான் என்று ஆசினும் நெகிழ்ந்துபோயுள்ளார்.