For Quick Alerts
    ALLOW NOTIFICATIONS  
    For Daily Alerts

    '6' படத்துக்காக ஒத்திகை பார்த்த பூனம் கவுர் - ஷாம்!!

    By Shankar
    |

    ஷுட்டிங் ஸ்பாட்டுக்குப் போன பிறகு படப்பிடிப்புக்குத் தயாராவதில் உள்ள சங்கடங்கள், எக்ஸ்ட்ரா செலவுகளைச் சமாளிப்பதற்கு மிகச் சிறந்த வழி, எடுக்க வேண்டிய காட்சிகளை முன்கூட்டியே திட்டமிடுவதும் அந்தக் காட்சிகளில் நடிப்பவர்களுக்கு ஒத்திகை நடத்துவதும்தான்!

    சமீபகாலமாக தமிழ் சினிமாவில் இந்த ட்ரெண்ட் அதிகரித்துள்ளது. இந்தப் பட்டியலில் லேட்டஸ்டாக இணைந்துள்ளது ஷாம் நடிக்கும் புதிய படமான '6.' உண்மையில் இந்தப் படத்துக்குத் தலைப்பே கிடையாது. 6 மெழுகுவர்த்திகளை குறிக்கும் வகையில் அமைந்துள்ள ஒரு six Candles Symbol தான் இந்தப் படத்துக்கு தலைப்பு.

    படத்தின் பெரும்பகுதி படமாக்கப்பட்டுவிட்ட நிலையில், இறுதிக் கட்டப் படப்பிடிப்பு ஆந்திர மாநிலம் நகரியில் நடக்கிறது. இதற்கான 'வொர்க்ஷாப்'தான் சென்னையில் 10 நாட்கள் நடந்தது. இதில் ஹீரோ ஷாம், நாயகி பூனம் கவுர், படத்தில் முக்கிய வேடத்தில் வரும் குழந்தை உள்பட அனைவரும் பங்கேற்று ஒத்திகை பார்த்தனர்.

    இதுகுறித்து நடிகர் ஷாம் கூறுகையில், "படப்பிடிப்புக்கு முந்தைய ஒத்திகை உண்மையிலேயே மிகவும பயனுள்ளதாக இருந்தது. இனி ஷாட் போகும்போது, குறைந்தபட்ச நேரத்தில் குறித்த தேதிக்குள் வேலை முடிந்துவிடும் பாருங்கள்," என்றார்.

    ஒத்திகை அனுபவம் குறித்து நாயகி பூனம் கவுர் கூறுகையில், "ரிகர்சல் பார்த்துவிட்டு ஷூட்டிங் போவது இதுதான் எனக்கு முதல் அனுபவம். உண்மையிலேயே இது வேறு உலகத்தைக் காட்டுவதாக இருந்தது. ஷூட்டிங்கில் எப்படிப்பட்ட கஷ்டமான காட்சியாக இருந்தாலும் எந்த தயக்கமும் இல்லாமல் நடிக்கும் நம்பிக்கை வந்திருக்கிறது," என்றார்.

    இந்தியாவின் முக்கிய நகரங்களில் எல்லாம் படமாகும் '6' படத்தை வி இஸட் துரை இயக்குகிறார். ஸ்ரீகாந்த் தேவா இசையமைக்கிறார். வசனத்தை ஜெயமோகன் எழுதுகிறார்.

    6 வருடம், 6 மாதம், 6 வாரம், 6 நாட்கள், 6 மணி நேரம், 6 நிமிடம், 6 நொடிகளில் நிகழும் சம்பவங்களை மையப்படுத்தி இந்தப் படத்தின் திரைக்கதை அமைக்கப்பட்டுள்ளது. இப்படத்துக்காக 25 கிலோ உடல் எடையைக் குறைத்துள்ளார் ஷாம். அதுவும் ஏதோ கண்மூடித்தனமாக அல்ல... ஒரு தனி மருத்துவக் குழுவின் உதவியுடன் படிப்படியாக தன் எடையைக் குறைத்துள்ளார்!

    English summary
    There was a 10 day workshop has been conducted for Shaam's new movie with a novel title (just a symbol of 6 candles!). Hero Shaam and heroine Poonal Gaur have participated in this workshop along with the crew for all the 10 days.
    உடனடி நியூஸ் அப்டேட்டுகள்
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X