For Quick Alerts
    ALLOW NOTIFICATIONS  
    For Daily Alerts

    மன்னிப்பு கேட்ட குத்து ரம்யா!

    By Staff
    |
    Ramya
    கன்னட டான்ஸ் மாஸ்டரை சரமாரியாக விமர்சித்துப் பேட்டி அளித்த நடிகை குத்து ரம்யா, அதற்காக மன்னிப்பு கேட்டுக் கொண்டுள்ளார். இதனால் அவருக்கு எதிராக கர்நாடக நடனக் கலைஞர்கள் அறிவித்த போராட்டம் கைவிடப்பட்டுள்ளது.

    குத்து ரம்யா தற்போது கன்னடத்தில் பிசியாக நடித்து வருகிறார். அவர் நடித்து வரும் புதிய படம் ஜஸ்ட் மாத் மாதள்ளி. இப்படத்தின் டான்ஸ் மாஸ்டராக இருப்பவர் ஹர்ஷா.

    படப்பிடிப்பின்போது ஹர்ஷாவுக்கும், குத்து ரம்யாவுக்கும் லடாய் ஏற்பட்டது. ஹர்ஷாவை சரமாரியாக திட்டி விட்டார் ரம்யா.

    மேலும், பெண்களை மதிக்கத் தெரியாதவர்களுடன் சேர்ந்து பணியாற்றுவதை நான் வெறுக்கிறேன் என்றும் சூடாக கூறியிருந்தார்.

    இதையடுத்து கர்நாடக நடனக் கலைஞர்கள் சங்கம், ரம்யா படங்களுக்கு ஒத்துழைப்பு தர மாட்டோம். பணியாற்ற மாட்டோம் என அறிவித்தது.

    இந்த நிலையில் விவகாரம் கர்நாடக திரைப்பட வர்த்தக சபைக்குப் போனது. சபையின் துணைத் தலைவரான ராக்லைன் வெங்கடேஷ், ரம்யாவையும், ஹர்ஷாவையும் அழைத்துப் பேசினார்.

    இந்தப் பேச்சுவார்த்தையில் ஹர்ஷாவிடம் மன்னிப்பு கேட்பதாக ரம்யா ஒத்துக் கொண்டார். இதுகுறித்து அவர் கூறுகையில், நான் யாரையும் காயப்படுத்தியதில்லை. காயப்படுத்தியதாக யாரேனும் நினைத்தால் மன்னிப்பு கேட்டுக் கொள்கிறேன்.

    கோபத்தில் நான் சற்று சூடாக பேசியிருக்கலாம். இதற்காக ஹர்ஷாவிடமும், இதர நடனக் கலைஞர்களிடமும் நான் மன்னிப்பு கேட்டுக் கொள்கிறேன் என்றார் ரம்யா.

    இதனால் குத்து ரம்யாவுக்கு பெரும் தலைவலி தீர்ந்துள்ளது.

    உடனடி நியூஸ் அப்டேட்டுகள்
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X