லண்டனில் சோனாக்ஷியுடன் டூயட் பாடும் கமல்!

விஸ்வரூபம் பட ஷூட்டிங்குக்கு கனடா விசா கிடைப்பதிலும் சிக்கல் ஏற்பட்டுள்ளதால், லண்டன் போகிறது செல்வராகவனின் குழு.

கமல் நடிக்க செல்வராகவன் இயக்கும் படம் விஸ்வரூபம். இந்தப் படத்துக்காக முதலில் அமெரிக்கா செல்வதாக இருந்தனர். ஆனால் அமெரிக்க விசா கிடைக்கவில்லை.

இதனால் கனடா செல்லப் போவதாகவும், அதற்கான விசா கிடைத்துவிடும் என்றும் நம்பிக்கை தெரிவித்திருந்தார் செல்வராகவன்.

ஆனால் இப்போது கனடா விசாவும் கிடைக்கவில்லையாம். எனவே லண்டன் போகிறது செல்வராகவனின் விஸ்வரூபம் குழு. இங்கு 35 நாட்கள் கமல் - சோனாக்ஷி சின்ஹா பங்கேற்கும் டூயட் காட்சிகள் மற்றும் காதல் காட்சிகளைப் படமாக்கவிருக்கிறார்கள்.

மும்பையில் தன்னைப் பற்றி பத்திரிகைகள் பரபரப்பாக ஏதாவது ஒரு கிசுகிசுவை வெளியிட்டு வருவதால், தற்காலிகமாக லண்டனில் நிம்மதியாக இருக்க வாய்ப்பு கிடைத்துள்ளதாக சோனாக்ஷி தெரிவித்துள்ளார்.

உடனிருப்பது கமலாச்சே... இப்போதும் பரபர வதந்திகளுக்குப் பஞ்சமிருக்காதே!