வேம்புலியுடன் யாரு இருக்காருன்னு பாருங்க.. மூணாறில் ஆரம்பமான ஹன்சிகாவின் ரவுடி பேபி ஷூட்டிங்!

பூஜா கணவர்

எஸ்.எஸ் மியூசிக் தொகுப்பாளினியும் நடிகையுமான பூஜா ராமசந்திரனின் இரண்டாவது கணவர் தான் நடிகர் ஜான் கோக்கன். மனைவி உடன் இணைந்து வித விதமாக புகைப்படங்களை எடுத்து வெளியிட்டு வைரலாக்கி வந்த அவருக்கு மிகப்பெரிய வாய்ப்பு சார்பட்டா பரம்பரை படம் மூலமாக கிடைத்தது.

அடையாளம் தெரியாமல்

அதற்கு முன் அடையாளம் தெரியாமல் தமிழ், தெலுங்கு உள்ளிட்ட மொழிகளில் ஏகப்பட்ட படங்களில் அடியாள் மற்றும் சின்ன சின்ன கதாபாத்திரங்களில் நடித்துள்ளார் ஜான் கோக்கன். சிம்புவின் ஒஸ்தி, அஜித்தின் வீரம், பாகுபலி படத்தில் காலகேயர்களில் ஒருவராக, கேஜிஎஃப்பில் அடியாள் என பல வேடங்களை தாங்கி நடித்துள்ளார்.

வெற்றி தந்த வேம்புலி

சாதாரண பேக்கிரவுண்ட் ஆர்ட்டிஸ்ட்டாகவே மற்ற இயக்குநர்கள் இவரை பார்க்க இயக்குநர் பா. ரஞ்சித் சார்பட்டா பரம்பரை படத்தில் ஆர்யாவுக்கு வில்லனாக வேம்புலி எனும் கதாபாத்திரத்தை கொடுக்க கிடைத்த வாய்ப்பை வீணாக்காமல் உசுரை கொடுத்து நடித்து மனுஷன் வெற்றி வாகை சூடி விட்டார்.

ஹன்சிகாவுடன்

வேம்புலி கதாபாத்திரம் ஹிட் அடித்த நிலையில், அடுத்ததாக ஹீரோவாக நடிப்பாரா? அல்லது டாப் ஹீரோக்களுக்கு வில்லனாக நடிப்பாரா என எதிர்பார்க்கப்பட்டு வந்த நிலையில், நடிகை ஹன்சிகாவின் ரவுடி பேபி படத்தில் முக்கிய கதாபாத்திரத்தில் கமிட் ஆகி உள்ளார் ஜான் கோக்கன்.

Recommended Video

Sarpatta shootingல Ranjith இப்படி தான் இருப்பாரு | Vembhuli, Vetri, Raman

மூணாறு லொகேஷன்

காஜல் அகர்வால் நடிக்க இருந்த கதாபாத்திரத்தில் ஹன்சிகா மாறிய நிலையில், சமீபத்தில் படத்தின் பூஜை சென்னையில் சிம்பிளான முறையில் போடப்பட்டது. கவிஞர் வைரமுத்து உள்ளிட்ட பிரபலங்கள் கலந்து கொண்டனர். அறிமுக இயக்குநர் ஜே.எம். சரவணன் இயக்கத்தில் உருவாக உள்ள இந்த படத்தின் படப்பிடிப்பு தற்போது மூணாறில் தொடங்கி இருப்பதாக ஜான் கோக்கன் போட்டோ போட்டு அறிவித்துள்ளார்.

ராம்கியுடன் இணைந்து

சோனியா அகர்வால், மீனா, சத்யராஜ், ராம்கி, ராய் லக்‌ஷ்மி உள்ளிட்ட பலர் ஹன்சிகாவின் ரவுடி பேபி படத்தில் நடித்து வரும் நிலையில், நடிகர் ராம்கியுடன் இணைந்து மூணாறு லொகேஷனில் போட்டோ போட்ட நடிகர் ஜான் கோக்கன் படப்பிடிப்பு எங்கே நடக்கிறது என்கிற ஹாட் அப்டேட்டையும் ரசிகர்களுக்கு கொடுத்துள்ளார்.