Don't Miss!
- News சென்னையை சுற்றி 128 ரயில் நிலையங்களில் வருகிறது சூப்பர் வசதி.. இன்னும் 3 மாதத்தில் எல்லாமே மாறுது
- Technology அள்ளி கொடுக்கும் Jio.. ப்ரீபெய்ட் திட்டங்களில் எக்ஸ்ட்ரா டேட்டா.. OTT.. வாய்ஸ் கால்கள்.. விட்றாதீங்க..
- Lifestyle எப்பவும் ஒரே மாதிரி சட்னி செய்யாம.. ஒருமுறை தீயில் சுட்ட தக்காளி சட்னியை செய்யுங்க.. டேஸ்ட் சும்மா அள்ளும்..
- Sports ரூ.14 கோடி வீரருக்கு ஆப்பு.. லக்னோ பிட்சால் சிஎஸ்கே அணியில் நடக்கப்போகும் மாற்றம்.. ருதுராஜ் முடிவு!
- Automobiles உலகம் முழுவதும் ராயல் என்ஃபீல்டு பைக்கை வாடகைக்கு எடுக்கலாம்! எப்படி தெரியுமா?
- Finance ரோஜா பூவும், பிரியாணியும் மணக்குதே.. செலவும் பிச்சுக்குதே..!!
- Travel பாவனி ஆற்றின் நடுவே 700 ஆண்டுகளாக மூழ்கியிருக்கும் கோட்டை – இன்னும் 2 மாதங்களுக்கு பொதுமக்கள் செல்லலாம்!
- Education பிளஸ்-2 படித்திருந்தால் போதும்...மத்தியஅரசு வேலை தயார்..!!
படப்பிடிப்பில் விபத்து.. ரஜினி பட வில்லன் நடிகருக்கு தலையில் காயம்.. மருத்துவமனையில் அனுமதி
படப்பிடிப்பில் ஏற்பட்ட விபத்து காரணமாக நடிகர் சம்பத் ராம் மருத்துவமனையில் அனுமதிக்கப்பட்டுள்ளார்.
Recommended Video
சென்னை: பிரபு சாலமன் படத்தின் படப்பிடிப்பில் ஏற்பட்ட விபத்தில் காயமடைந்த நடிகர் சம்பத் ராம் சிகிச்சைக்காக மருத்துவமனையில் அனுமதிக்கப்பட்டுள்ளது அதிர்ச்சியை ஏற்படுத்தியுள்ளது.
தமிழ் சினிமாவில் சுமார் 20 வருடங்களாக நடித்து வருபவர் நடிகர் சம்பத் ராம். ரஜினி, கமல், அஜித், விஜய் என தமிழில் முன்னணி நடிகர்கலின் படங்களில் வில்லன் மற்றும் குணச்சித்திர வேடத்தில் நடித்துள்ளார்.
விரைவில் இவர் நடித்துள்ள 'தட்றோம் தூக்குறோம், காஞ்சனா 3 உள்ளிட்ட படங்கள் ரிலீசாக இருக்கின்றன. தற்போது பிரபு சாலமன் இயக்கத்தில், ராணா நடிப்பில் தமிழ், தெலுங்கு மற்றும் இந்தி என மூன்று மொழிகளில் உருவாகும் படத்தில் முக்கிய வேடத்தில் நடித்து வருகிறார் சம்பத் ராம்.
தற்போது இப்படத்தின் படப்பிடிப்பு மும்பையில் நடைபெற்று வருகிறது.
சர்ஜிக்கல் ஸ்டிரைக்: அடி வாங்கிய கையோடு இந்திய படங்களுக்கு தடை விதித்த பாகிஸ்தான்
சண்டைகாட்சி:
கடந்த 15 தினங்களுக்கு முன்னர் இப்படத்தின் சண்டைக்காட்சி ஒன்றிற்கான ஒத்திகை நடைபெற்றது. அப்போது எதிர்பாராதவிதமாக சம்பத் ராமின் தலையில் அடிபட்டது. உடனடியாக முதலுதவி செய்யப்பட, சிறிய காயம் என நினைத்து சமாளித்துக் கொண்டு சிறிதுநேரத்திலேயே மீண்டும் படப்பிடிப்பை முடித்துக் கொடுத்துவிட்டு சென்னைக்கு திரும்பி விட்டார் சம்பத்.
தலைசுற்றல், மயக்கம்:
இந்நிலையில், கடந்த சில நாட்களுக்கு முன்னர் திடீர் மயக்கம், தலை சுற்றல் என உடல் உபாதைகளால் அவதிப்பட்டுள்ளார் சம்பத் ராம். அதனை தொடர்ந்து மருத்துவமனைக்கு சென்று பரிசோதனை செய்து பார்த்ததில், படப்பிடிப்பில் அடிபட்ட இடத்தில் தலையில் இரத்தம் கட்டியிருப்பது தெரிய வந்து அவர் அதிர்ச்சி அடைந்தார்.
சிகிச்சை:
உடனடியாக சென்னை விஜயா மருத்துவமனையில் அனுமதிக்கப்பட்ட அவருக்கு, ஊசி மூலம் தலையில் ஏற்பட்ட இரத்த உரைதலை மருத்துவர்கள் சரி செய்துள்ளனர். தற்போது அவர் உடல்நிலை சீராகி வருகிறது.
மீண்டும் படப்பிடிப்பு:
இன்னும் சில தினங்களில் எப்போதும் போல படப்பிடிப்புகளில் கலந்துக் கொள்ள இருக்கிறார். பிரபு சாலமன் படத்திலும் இவருக்கான பகுதி இன்னும் படமாக்கப்பட வேண்டி இருப்பதால், இன்னும் சில தினங்களில் மீண்டும் வழக்கம் போல படப்பிடிப்பில் கலந்து கொள்ள திட்டமிட்டிருக்கிறார் சம்பத் ராம்.
பிரபு சாலமன் வேதனை:
தனது படத்தில் ஏற்பட்ட விபத்தால் சம்பத் ராமுக்கு ஏற்பட்ட இந்த உடல் நலக்குறைவை அறிந்த இயக்குநர் பிரபு சாலமன், மிகவும் வேதனையடைந்துள்ளார். திரையுலக பிரபலங்கள் பலரும் சம்பத் ராமை நேரில் சந்தித்து நலம் விசாரித்து வருகின்றனர்.