உயரமான மலையில் ஷூட்டிங்.. பயத்தில் சொல்லாமல் கொள்ளாமல் டெல்லிக்கு ஓடிப்போன நடிகை!

உயரத்தில் ஷூட்டிங்:

மிக உயரமான இடத்தில் வைத்து பாடல் காட்சியை நடன இயக்குனர் ஷங்கர் படம் பிடித்துக் கொண்டிருந்தார். ஆனால், உயரத்தைக் கண்டு அச்சத்தில் இருந்த பட நாயகி அனுபமா பிரகாஷ், சரிவர நடிக்க இயலாமல் திணறியுள்ளார்.

ஓய்வு:

பின்னர் சிறிது நேரம் ஓய்வு எடுத்து வருவதாகக் கூறி தனது அறைக்குச் செல்வதாகக் கூறி சென்றுள்ளார். ஆனால் நீண்ட நேரம் ஆகியும் அவர் மீண்டும் படப்பிடிப்பிற்கு திரும்பவில்லை. இதனால், அவரைத் தேடி படக்குழுவினர் அறைக்குச் சென்றுள்ளனர். ஆனால், அவர் அங்கு இல்லை.

எஸ்கேப்:

இதனால் அவர் காணாமல் போய் விட்டாரோ என அஞ்சிய படக்குழுவினர், நடிகையை கொடைக்கானல் முழுவதும் தேடினர். பின்னர் தான் அனுபமா கொடைக்கானலை விட்டுக் கிளம்பி மதுரை சென்று, அங்கிருந்து விமானம் மூலம் டெல்லி பறந்தது தெரிய வந்தது.

ரிலீஸ்:

அதனைத் தொடர்ந்து உடனடியாக டெல்லி சென்ற தயாரிப்பாளர், அனுபமாவைச் சமாதானம் செய்து மீண்டும் படப்பிடிப்பிற்கு அழைத்து வந்து, மீதிக் காட்சிகளைப் படமாக்கினர். இப்படம் இம்மாதம் 7ம் தேதி ரிலீசாகிறது என்பது குறிப்பிடத்தக்கது.