அமிதாப் போல இருக்காரா? தல அஜித் மாதிரி இருக்கிறாரா? லீக் ஆனது பவன் கல்யாணின் 'பிங்க்' கெட்டப்

நேர்கொண்ட பார்வை

அதன்படி தமிழ் ரீமேக்கை, நேர்கொண்ட பார்வை என்ற பெயரில் தயாரித்தார். அஜித்குமார், அமிதாப்பச்சன் நடித்த கேரக்டரில் நடித்தார். வித்யாபாலன், ஸ்ரத்தா ஶ்ரீநாத் உட்பட சிலர் நடித்திருந்தனர். வினோத் இயக்கி இருந்தார். இந்தப் படம் ஹிட்டானது.

பவன் கல்யாண்

இந்தப் படம் இப்போது தெலுங்கில் ரீமேக் செய்யப்படுகிறது. போனி கபூருடன் சேர்ந்து, தெலுங்கு தயாரிப்பாளர் தில் ராஜூ தயாரிக்கிறார். அஜித் நடித்த கேரக்டரில், தெலுங்கு ஹீரோ பவன் கல்யாண் நடிக்கிறார்.

ஷூட்டிங் தொடங்கியது

நிவேதா தாமஸ், அஞ்சலி, அனன்யா நாகல்லா உட்பட பலர் நடிக்கும் இந்தப் படத்தை ஶ்ரீராம் வேணு இயக்குகிறார். இதன் ஷூட்டிங் செகந்தராபாத்தில் நேற்று தொடங்கியது. பொதுமக்கள் அதிகம் கூடும் இடத்தில் பவன் கல்யாண் நடந்து செல்வது போன்ற காட்சி படமாக்கப்பட்டது.

வைரலான போட்டோ

இதை சில ரசிகர்கள் செல்போனில் புகைப்படம் எடுத்து இணையத்தில் கசிய விட்டனர். இந்த போட்டோ வைரலானது. பவன் கல்யாண் நீண்ட தாடியுடன் கோட் அணிந்தபடி நடந்து செல்வது போல அந்தப் புகைப்படம் இருக்கிறது. முகம் தெளிவாகத் தெரியவில்லை என்றாலும் இந்த லுக்கில் அவர் அமிதாப் மாதிரி இருக்கிறாரா? அஜித் போல தெரிகிறாரா? என்று ரசிகர்கள் விவாதித்து வருகின்றனர்.