தனியே தன்னந்தனியே... டாப்ஸி!

பொதுவாக நடிகைகள் படப்பிடிப்புக்கு தனியாக வருவது அரிதான விஷயம். காரணம், தனிப்பட்ட பாதுகாப்பு மட்டுமல்ல, 'திடீர் டிஸ்கஷன்' தொல்லை, ரசிகர்களின் அன்புத் தொல்லை... என ஏக சிக்கல்கள்.

ஆனால் மிகச் சில நடிகைகள் எதற்கும் கலங்காமல், தன்னந்தனியாக படப்பிடிப்புக்கு வருகிறார்கள். எல்லா பிரச்சினைகளையும் சமாளிக்கவும் செய்கிறார்கள்.

லேட்டஸ்டாக இந்தப் பட்டியலில் சேர்ந்திருப்பவர் டாப்ஸி.

படப்பிடிப்பு நடக்கும் இடம் உள்ளூராக இருந்தாலும் சரி, வெளியூராக இருந்தாலும் சரி, தனியாகத்தான் வருகிறாராம் இந்த ஆடுகளம் நாயகி.

இதனால் செலவும் கணிசமாகக் குறைகிறதாம் தயாரிப்பாளருக்கு.

தயாரிப்பாளர், இயக்குநர்கள் மத்தியில் நல்ல பெயர் எடுக்க இந்த டெக்னிக்கை கடைப்பிடிக்கிறாரா அல்லது சுபாவமே இதுதானா என்பது போகப் போகத்தான் தெரியும்!