வீல் சேரில் அமர்ந்திருக்கும் விஜய்.. வைரலாகும் புகைப்படம்.. குழப்பத்தில் தளபதி ரசிகர்கள்!

வைரல் வீடியோ:

அந்தவகையில் சமீபத்தில் விஜய் கேரவனில் இருந்து பயிற்சியாளர் கெட்டப்பில் இறங்கி வரும் வீடியோ ஒன்று வைரலானது. அதில் படு ஸ்டைலாக விஜய் இறங்கி வருவதாகவும், நிச்சயம் படம் மிகவும் ஸ்டைலிசாக இருக்கும் எனவும் ரசிகர்கள் கருத்து தெரிவித்தனர்.

வீல் சேரில் விஜய்:

இந்நிலையில், தற்போது படப்பிடிப்பு தளத்தில் இருந்து புதிய புகைப்படம் ஒன்று இணையத்தில் வெளியாகியுள்ளது. அதில், மைதானத்தில் விஜய் வீல் சேரில் அமர்ந்திருக்கிறார். பயிற்சியாளர் உடையில் கழுத்தில் கட்டுடன் அவர் அதில் தோற்றமளிக்கிறார்.

ரசிகர்கள் கணிப்பு:

இந்தப் புகைப்படத்தைப் பார்த்த விஜய் ரசிகர்கள் பதறிப் போய் உள்ளனர். பெரும்பாலும் இந்தக் காட்சி படத்தின் கிளைமாக்ஸ் காட்சியாக இருக்கலாம் எனக் கருதப்படுகிறது. அப்படியானால் படத்தில் விஜய்யை யாரோ பயங்கரமாகத் தாக்குவது போன்ற காட்சியோ, அல்லது வில்லன்களால் அவர் விபத்தில் சிக்குவது போன்ற காட்சியோ இடம் பெற்றிருக்க வேண்டும் என்பது அவர்களது கணிப்பு.

மைதானம் புகைப்படங்கள்:

இது ஒருபுறம் இருக்க, தளபதி 63 பட மைதானம் பற்றிய புகைப்படங்களும் இணையத்தில் வெளியாகியுள்ளது. பூந்தமல்லி அடுத்த செம்பரம்பாக்கத்தில் உள்ள ஈ.வி.பி.பிலிம் சிட்டியில் தளபதி 63 படத்திற்காக, பெரிய கால் பந்தாட்ட மைதானம் செட் அமைக்கப்பட்டு படப்பிடிப்பு நடைபெற்று வருகிறது என்பது குறிப்பிடத்தக்கது.