இயக்குநர் மாரி செல்வராஜ் கழுத்தில் துப்பாக்கி வைத்த உதயநிதி.. என்ன வில்லத்தனம்!

நடிகர் உதயநிதி

நடிகர் உதயநிதி ஸ்டாலின் ஆரம்பத்தில் ஓகே ஓகே, நண்பேண்டா உள்ளிட்ட படங்களில் காமெடிக்கு முக்கியத்துவம் கொடுத்து நடித்தார். இந்தப் படங்கள் அவருக்கு சிறப்பாக கைக்கொடுத்தன. தொடர்ந்து தன்னுடைய பாதையை அழுத்தமான கதைக்களங்களுக்கு மாற்றிக் கொண்டார்.

அழுத்தமான கதைக்களங்கள்

அடுத்தடுத்து தன்னுடைய கேரக்டர்களை சிறப்பாக எடுத்துக்காட்டும் வகையில் தேர்ந்தெடுத்து நடித்து வருகிறார். இந்தப் படங்களில் இவருக்கு நடிக்கும் ஸ்கோப்பும் அதிகமாக காணப்படுகிறது. சமீபத்தில் அருண்ராஜா காமராஜ் இயக்கத்தில் இவரது நெஞ்சுக்கு நீதி படம் வெளியாகி இவருக்கு சிறப்பான வரவேற்பை பெற்றுத் தந்தது.

மாமன்னன் படம்

இந்நிலையில் தற்போது மாரி செல்வராஜ் இயக்கத்தில் மாமன்னன் படத்தில் நடித்து வருகிறார். இந்தப் படத்தில் இவருக்கு ஜோடியாகியுள்ளார் கீர்த்தி சுரேஷ். படத்தில் உதயநிதியுடன் நீண்ட நாட்களுக்கு பிறகு வடிவேலு காமெடி கலாட்டா செய்ய இணைந்துள்ளார்.

மீண்டும் அருண்ராஜாவுடன் படம்

அரசியலிலும் தீவிரமாக ஈடுபட்டுள்ள உதயநிதி, மாமன்னன் படத்தை தொடர்ந்து நடிப்புக்கு முழுக்குப் போடவுள்ளதாக கூறப்பட்டது. ஆனால் சமீபத்தில் படவிழா ஒன்றில் பேசிய உதயநிதி, சிறப்பான கதைக்களங்கள் அமைந்தால் தொடர்ந்து நடிப்பேன் என்று தெரிவித்திருந்தார். மீண்டும் அருண்ராஜா காமராஜுடன் இணையவுள்ளதாகவும் குறிப்பிட்டார்.

சூட்டிங் ஸ்பாட் புகைப்படம்

இந்நிலையில் மாமன்னன் படத்தின் சூட்டிங் மிகவும் விறுவிறுப்பாக நடைபெற்று வருகிறது. இந்நிலையில் இந்தப் படத்தின் சூட்டிங் ஸ்பாட் புகைப்படம் வெளியாகி வைரலாகி வருகிறது. இதில் மாரி செல்வராஜ் முன்பக்கம் பார்த்தபடி சூட்டிங்கிற்கு உத்தரவுகளை பிறப்பித்துக் கொண்டிருக்கிறார்.

கையில் துப்பாக்கியுடன் உதயநிதி

அப்போது கையில் துப்பாக்கியுடன் படத்தின் நாயகன் உதயநிதி, அவரது கழுத்தில் துப்பாக்கியை வைத்து வில்லத்தனமாக சிரிக்கிறார். அவர் சாதாரண உடையில் இயல்பாக காணப்படுகிறார். ஆனால் கண்களில் கூலர்சுடன் காணப்படுகிறார். அவரது கெட்டப் இயல்பாக காணப்படுகிறது.