ஆஹா! வடிவேலு பக்கத்தில் பிக் பாஸ் ஷிவானி.. மைசூர் பேலஸில் நிறைவடைந்த செகண்ட் ஷெட்யூல்!

வடிவேலு ரிட்டர்ன்ஸ்

இயக்குநர் சுராஜ் இயக்கத்தில் ஒரு பக்கம் நாய்சேகர் ரிட்டர்ன்ஸ் படத்தின் இரண்டு ஷெட்யூல்களை முடித்துள்ள நடிகர் வடிவேலு, அடுத்தபடியாக இயக்குநர் மாரி செல்வராஜ் இயக்கத்தில் உருவாக உள்ள மாமன்னன் படத்தின் படப்பிடிப்பில் நேற்று கலந்து கொண்டார். உதயநிதி ஸ்டாலின், கீர்த்தி சுரேஷ் என காஸ்டிங்கே கலக்கலாக இருக்கும் நிலையில், வடிவேலு கூடிய விரைவிலேயே தமிழ் சினிமாவுக்கு வேறலெவல் ரிட்டர்ன்ஸ் கொடுக்க காத்திருக்கிறார்.

மைசூர் பேலஸில்

பிரெண்ட்ஸ் படத்தில் இதுதான் பேலஸ் என வடிவேலு விஜய் மற்றும் சூர்யாவுக்கு அறிமுகப்படுத்தும் காட்சி தான் இந்த போட்டோவை பார்த்ததும் சட்டென ரசிகர்கள் நினைவுக்கு வந்து செல்லும். நாய்சேகர் ரிட்டர்ன்ஸ் படத்தின் இரண்டாவது ஷெட்யூல் இதுவரை மைசூர் பேலஸில் நடந்து வந்த நிலையில், இயக்குநர் சுராஜ் மூன்றாவது கட்ட படப்பிடிப்புக்காக அடுத்த லோகேஷன் சேஸிங்கில் இறங்கி உள்ளார்.

வடிவேலு பக்கத்தில் ஷிவானி

நாய்சேகர் ரிட்டர்ன்ஸ் படத்தில் வடிவேலுவுக்கு ஜோடி இல்லை என்றும் வெளிநாட்டு நடிகை ஒருவர் ஜோடியாக நடிக்கிறார் என்றும் ஏகப்பட்ட தகவல்கள் வெளியாகின. ஆனால், கடைசியில் ஷிவானி நாராயணன் தனது இன்ஸ்டாகிராம் பக்கத்தில் வடிவேலுவுடன் இருக்கும் புகைப்படத்தை பதிவிட்டு நான் தான் வடிவேலு சாருடன் நாய்சேகர் ரிட்டர்ன்ஸ் படத்தில் நடிக்கிறேன் என அறிவித்து பல பிக் பாஸ் பிரபலங்களுக்கே பிபியை எகிற வைத்தார்.

இதுவல்லவா குரூப் போட்டோ

இயக்குநர் சுராஜ், வடிவேலு, வடிவேலு பக்கத்தில் ஷிவானி நாராயனன் மற்றும் நாய்சேகர் ரிட்டர்ன்ஸ் படத்தில் நடித்து வரும் நடிகர்கள், தொழில்நுட்ப கலைஞர்கள் என ஒட்டுமொத்த படக்குழுவும் மைசூர் பேலஸ் படிக்கெட்டில் அமர்ந்தபடி எடுத்துக் கொண்ட பிரம்மாண்ட குரூப் போட்டோவை தற்போது லைகா நிறுவனம் பதிவிட்டு நாய்சேகர் ரிட்டர்ன்ஸ் படத்தின் இரண்டாவது கட்ட படப்பிடிப்பு நிறைவடைந்துள்ள ஹாட் அப்டேட்டை அறிவித்துள்ளது.

Cook with Comali பெரிய Turning Point | Naai Sekar Pavithra Lakshmi & Sathish

ஷிவுவை கொஞ்சும் ரசிகர்கள்

பிக் பாஸ் பிரபலம் ஷிவானி நாராயணன் வைகைப்புயல் வடிவேலு பக்கத்தில் செம க்யூட்டாக உட்கார்ந்து இருப்பதை பார்த்த அவரது சமூக வலைதள ரசிகர்கள் ஷுவு செம க்யூட் என கொஞ்சி வருகின்றனர். தலைவன் சிகப்பு கலர் டிரெஸ்சில் டாப் டக்கராக இருக்கிறாரே என மீம் கிரியேட்டர்கள் தங்கள் குலசாமியை வழிபட்டு வருகின்றனர்.