வலிமை ஷூட்டிங் ஸ்பாட் புகைப்படங்கள் லீக்.. வைரலாகும் அஜித் வீடியோ.. ஷூட்டிங் எங்கே தெரியுமா?

மறைமுக அப்டேட்

வலிமை படத்தின் அப்டேட் கேட்டு கேட்டு, நொந்து போன தல ரசிகர்களை குஷிபடுத்தும் விதத்தில் #HVinoth என்ற ஹாஷ்டேக் ட்விட்டரில் டிரெண்டாகி வருகிறது. இயக்குநர் எச். வினோத் ஷூட்டிங் ஸ்பாட்டில் பயங்கர பிஸியாக வேலை பார்த்து வரும் ஷூட்டிங் ஸ்பாட் ஸ்டில்களும், அஜித் ஓட்டும் பைக்கின் வீடியோக்களும் வைரலாகி வருகின்றன.

பைக் ரேஸ்

சென்னையில் உள்ள மீஞ்சூர் அவுட்டர் ரிங் ரோடில், வலிமை படத்தின் அட்டகாசமான பைக் ரேஸ் காட்சி படமாக்கப் பட்டு வருகின்றன. தல அஜித் ஓட்டும் பைக் இதுதான் என ரசிகர்கள், எடுத்துள்ள ரேஸ் பைக் வீடியோவும் வைரலாக ஷேர் செய்யப்பட்டு வருகின்றன.

அஜித் வீடியோ

மறைந்த நடிகை ஸ்ரீதேவியின் வீட்டுக்கு, நடிகர் அஜித் வலிமை பட லுக்கில் செம ஸ்மார்ட்டாக காரில் இருந்து இறங்கி செல்லும் வீடியோவையும் ரசிகர்கள் சமூக வலைதளத்தில் வைரலாக்கி வருகின்றனர். தயாரிப்பாளர் போனி கபூரை சந்தித்து பேசவே நடிகர் அஜித் சென்றுள்ளதாகவும் தகவல்கள் வெளியாகி வருகின்றன.

ஷேர் பண்ணாதீங்க

சென்னைக்கு அருகே அஜித்தின் வலிமை படத்தின் ஷூட்டிங் நடைபெற்று வருவதால், சமூக வலைதளங்களில் ஷூட்டிங் வீடியோக்கள், பைக் ரேஸ் காட்சிகள் என பலவற்றையும் ரசிகர்கள் ஷேர் செய்து வருகின்றனர். அந்த வீடியோக்களை யாரும் சமூக வலைதளங்களில் ஷேர் செய்ய வேண்டாம் என அஜித் ரசிகர்கள் மற்றும் படக்குழுவினர் கோரிக்கை விடுத்து வருகின்றனர்.

பிகில் ஷூட்டிங்

இதே மீஞ்சூர் அவுட்டர் ரிங் ரோட்டில் தான் தளபதி விஜய்யின் பிகில் பட ஷூட்டிங்கும் நடைபெற்றது. ஃபாரின் பைக்கில், நடிகர் விஜய் வேகமாக செல்லும் காட்சிகள் படமாக்கப்பட்ட அதே இடத்தில் தற்போது, அஜித்தின் வலிமை பட பைக் ரேஸ் ஷூட்டிங்கும் நடக்கிறது. இதனால், ரசிகர்கள் கூட்டம் அந்த இடத்தை நோக்கி படையெடுத்து வருகிறது.