தூத்துக்குடியில் விஷாலின் 'வெடி!'

By Shankar

| Published: Monday, August 29, 2011, 13:18 [IST]

விக்ரம் கிருஷ்ணா தயாரிப்பில், நடிகரும் இயக்குனருமான பிரபுதேவா இயக்கிவரும் வெடி என்ற புதிய படத்தின் இறுதிக்கட்டப் படப்பிடிப்பு தூத்துக்குடி நகரில் நடந்து வருகிறது.

விஷால் - சமீரா ரெட்டி நடித்து வரும் இந்த படத்தின் திரைக்கதை தூத்துக்குடியை மையமாகக் கொண்டு அமைக்கப்பட்டுள்ளது.

வெடி படிப்பிடிப்பு நேற்று காலை தூத்துக்குடி ஏ.வி.எம். மருத்துவமனை முன்பு நடந்தது. படப்பிடிப்பைக் காண ஏராளமான மக்கள் திரண்டு வந்ததால், படப்பிடிப்பு நடப்பதில் சற்று சிரமம் ஏற்பட்டது.

தொடர்ந்து தூத்துக்குடி பீச் ரோட்டில் சாயாஷி சிண்டே, அனுமோகன், பாண்டு உள்ளிட்ட நடிகர்கள் நடித்த நகைச்சுவை காட்சிகள் படமாக்கப்பட்டன.

இந்த வாரம் முழுவதும் தொடர்ந்து தூத்துக்குடி நகருக்குள்ளேயே வெடி படப்பிடிப்பு நடக்கும் என இயக்குநர் பிரபுதேவா தெரிவித்துள்ளார்.