'விசுவாசம்' ஷூட்டிங் புகைப்படத்தால் கசிந்த ரகசியம்... தேனி பின்னணியில் நடக்கும் கதையா?

அஜித்

சிவா இயக்கத்தில் அஜித் நடிக்கும் 'விசுவாசம்' படத்தின் படப்பிடிப்பு பல மாதங்கள் தள்ளிப்போய் இப்போதுதான் தொடங்கியிருக்கிறது. 'விவேகம்' படத்திற்குப் பிறகு அஜித் நடிக்கும் இப்படத்திற்கு ரசிகர்கள் மத்தியில் எதிர்பார்ப்பு எகிறியுள்ளது.

லீக்

ஷூட்டிங் ஸ்பாட் புகைப்படங்கள் எதுவும் வெளியாகிவிடக்கூடாது என்பதில் படக்குழுவினருக்கு கெடுபிடி விதிக்கப்பட்டிருந்தாலும், சில புகைப்படங்கள் சமூக வலைதளங்களில் வெளியாகி வைரலாகியுள்ளன. இந்தப் புகைப்படங்கள் மூலம் சில விஷயங்கள் தெரிய வருகின்றன.

சால்ட் அண்ட் பெப்பர் இல்லை

கிராமத்து செட் போடப்பட்டு உருவாகிவரும் 'விசுவாசம்' பாடலில் அஜித் மஞ்சள் சட்டை அணிந்து ஆடும் காட்சி புகைப்படம் லீக் ஆகியுள்ளது. இந்தப் படத்தில் கிராமத்து கெட்டப்பில் அஜித் சால்ட் அண்ட் பெப்பர் இல்லாமல் பிரவுன் - பிளாக் ஹேர் ஸ்டைலில் இருக்கிறார்.

தேனி பின்னணி

மேலும், ஷூட்டிங்கின்போது, தேனி பதிவு எண் கொண்ட ராயல் என்ஃபீல்டு புல்லட் ஒன்று நிற்கிறது. இது படத்தில் அஜித் ஓட்டும் புல்லட் எனத் தெரிகிறது. இதனால், 'விசுவாசம்' படம் தேனியை கதைக்களமாகக் கொண்ட படம் என சமூக வலைஞர்கள் யூகித்துள்ளனர்.

ராயல் என்ஃபீல்டு பைக்

TN 60 AB 2435 எனும் பதிவு எண் கொண்ட புல்லட் புகைப்படமும் இப்போதே வைரலாகி வருகிறது. அஜித்தின் கெட்டப்பை ரசிகர்கள் பின்பற்றுவது போல அஜித் ஓட்டும் ராயல் என்ஃபீல்டு பைக்கும் ரசிகர்களால் கொண்டாடப்படும் என எதிர்பார்க்கப்படுகிறது.