மம்முட்டி ஜோடி ஸ்ரேயா!

ரஜினி, விஜய், விக்ரம் என ஒரு பெரிய ரவுண்ட் முடித்த ஸ்ரேயா, இப்போது மலையாளத்தில் திறமை காட்டச் சென்றுள்ளார்.

தனதுமுதல் படத்திலேயே அவர் மலையாள முன்னணி நடிகர் மம்முட்டியுடன் நடிக்கிறாராம். இதில் இன்னொரு ஹீரோவும் உண்டு. அவர் பிருத்வி ராஜ். படத்துக்கு தலைப்பு போக்கிரி ராஜா!

புதிய இயக்குநர் வைசாக் இயக்கும் இந்தப் படத்துக்கு 30 நாட்கள் தொடர்ச்சியாக கால்ஷீட் தந்துள்ளார் ஸ்ரேயா. ஜனவரியில் படப்பிட்ப்பு துவங்குகிறதாம்.

தமிழில் ஸ்ரீகாந்துடன் அவர் நடிப்பதாக வந்த செய்திகள் வெறும் வதந்திதானாம். தமிழில் அடுத்து சூப்பர் குட் பிலிம்ஸ் தயாரிப்பில் ஜீவாவுக்கு ஜோடியாக ஒரு படத்தில் நடிக்க உள்ளாராம். வேறு படங்கள் எதுவும் இப்போதாக்கு ஒப்புக் கொள்ளவில்லை என்கிறார்.

சரத் குமாருடன் இவர் நடித்துள்ள ஜக்குபாய் பொங்கலுக்கு வெளியாகிறது.