Click it and Unblock the Notifications
சிவாஜி பேரன்-பேத்தி திருமணம்!
'நடிகர் திலகம்' சிவாஜிகணேசனின் இளைய மகன் நடிகர் பிரபுவுக்கு விக்ரம் என்ற மகனும், ஐஸ்வர்யா என்ற மகளும் உள்ளனர். கடந்த 2 வருடங்களுக்கு முன்பு விக்ரம் திருமணம் நடந்தது. இப்போது, ஐஸ்வர்யாவுக்கு திருமணம் நிச்சயிக்கப்பட்டு இருக்கிறது.
மணமகன் பெயர் குணால். இவர், பிரபுவின் தங்கை தேன்மொழியின் மகன். இவர்கள் திருமணம், சிறு வயதிலேயே தாத்தா சிவாஜிகணேசன்-பாட்டி கமலாம்மாவும் முடிவு செய்யப்பட்டதாம். அவர்களின் ஆசைப்படி இந்தத் திருமணம் நடைபெறுகிறது என பிரபு தெரிவித்தார்.
மணமகள் ஐஸ்வர்யா, சென்னை எத்திராஜ் கல்லூரியில் பி.காம். படித்துள்ளார். மணமகன் குணால், எம்.பி.ஏ. பட்டதாரி. அமெரிக்காவில் என்ஜினீயராக இருக்கிறார்.
வருகிற 8-ந் தேதி (ஞாயிற்றுக்கிழமை) காலை 9 மணி முதல் 10-30 மணிக்குள், சென்னை எழும்பூரில் உள்ள ராணி மெய்யம்மை மண்டபத்தில் திருமணம் நடக்கிறது.
வரவேற்பு
முன்னதாக, திருமண வரவேற்பு நிகழ்ச்சி 7-ந் தேதி (சனிக்கிழமை) இரவு 7 மணிக்கு அதே மண்டபத்தில் நடைபெற இருக்கிறது. அப்போது காஞ்சி காமகோடி பீடம் ஆஸ்தான வித்வான்கள் ராஜேஷ் வைத்யா-மோகன ராமன் குழுவினரின் வீணை இசை நிகழ்ச்சி நடக்கிறது.
திருமணத்துக்கான ஏற்பாடுகளை சிவாஜிகணேசனின் மூத்த மகன் ராம்குமார், அவருடைய மனைவி கண்ணம்மா, பிரபு, அவருடைய மனைவி புனிதவதி மற்றும் குடும்பத்தினர் கவனித்து வருகிறார்கள்.
Continue with Google