»   »  'வனிதாவை ஏன் கைது செய்யவில்லை?' - புறநகர் கமிஷனர் அலுவலகத்தில் விஜயகுமார் கேள்வி!!

'வனிதாவை ஏன் கைது செய்யவில்லை?' - புறநகர் கமிஷனர் அலுவலகத்தில் விஜயகுமார் கேள்வி!!

By Chakra
Subscribe to Oneindia Tamil
Vijayakumar and Manjula
சென்னை: ஹைதராபாதில் மனைவியுடன் பதுங்கியிருப்பதாக வனிதாவால் புகார் கூறப்பட்ட நடிகர் விஜயகுமார், சென்னை புறநகர் போலீஸ் கமிஷனர் அலுவலகத்தில் நேற்று திடீரென ஆஜரானார். தான் கொடுத்த புகாரில் மகள் வனிதாவை இன்னும் கைது செய்யவில்லையா? என்றும் கேட்டதாகக் கூறப்படுகிறது.

சென்னையை அடுத்த மதுரவாயல் போலீஸ் நிலையத்தில் கடந்த மாதம் 20-ந் தேதி நடிகர் விஜயகுமார் ஒரு புகார் அளித்தார். அதில், "என் மகள் நடிகை வனிதா, மருமகன் ஆனந்தராஜ் ஆகியோர் என்னை தாக்கினார்கள். இதனால் எனது மணிக்கட்டில் காயம் ஏற்பட்டது. அவர்கள் மீது நடவடிக்கை எடுக்க வேண்டும்'' என்று குறிப்பிட்டிருந்தார்.

இது பற்றி மதுரவாயல் போலீசார் வழக்குப் பதிவு செய்து நடிகை வனிதாவின் கணவர் ஆனந்தராஜை கைது செய்தனர். பின்னர் அவர் நிபந்தனை ஜாமீனில் விடுதலை செய்யப்பட்டார்.

இந்த நிலையில் கடந்த மாதம் 7-ந் தேதி, நடிகை வனிதா, "நான் அளித்த புகாரின்பேரில் போலீசார் எந்தவித நடவடிக்கையும் எடுக்கவில்லை. மாறாக என் தந்தை விஜயகுமார் தந்த புகாரின் பேரில் நடவடிக்கை எடுக்காதது ஏன்?'' என்று போலீஸ் டி.ஜி.பி. லத்திகா சரணிடம் புகார் செய்தார். பின்னர் இந்த வழக்கு புறநகர் மத்திய குற்றப்பிரிவுக்கு மாற்றப்பட்டது.

இது பற்றி உதவி கமிஷனர் ராஜேந்திரன் தலைமையில் இன்ஸ்பெக்டர் சங்கரன் விசாரணை நடத்தி வருகின்றார். கடந்த மாதம் 29-ந் தேதி நடிகை வனிதா, அவருடைய கணவர் ஆனந்தராஜுடன் புறநகர் போலீஸ் கமிஷனர் எஸ்.ஆர்.ஜாங்கிட்டை சந்தித்து இது குறித்துப் பேசினார்.

இதற்கிடையே ஹைதரபாத்தில் இருப்பதாக கூறப்பட்ட நடிகர் விஜயகுமார் நேற்று பகல் 12.30 மணிக்கு புறநகர் போலீஸ் கமிஷனர் அலுவலகத்துக்கு வந்தார். வழக்கை விசாரிக்கும் மத்திய குற்றப்பிரிவு உதவி கமிஷனர் ராஜேந்திரன், இன்ஸ்பெக்டர் சங்கரன் ஆகியோரைச் சந்தித்தார்.

"நான் அளித்த புகாரின்பேரில் என்ன நடவடிக்கை எடுக்கப்பட்டது? ஏன் வனிதாவை இன்னும் கைது செய்யவில்லை?'' என்று விஜயகுமார் கேட்டதாகவும், அதற்கு போலீசார், "இது தொடர்பாக விசாரணை நடந்து வருகிறது...'' என்று பதில் சொன்னதாகவும் கூறப்படுகிறது.

இன்று மாலை நிருபர்களைச் சந்திப்பதாகவும் கூறியுள்ளார் விஜயகுமார்.

For Quick Alerts
ALLOW NOTIFICATIONS
For Daily Alerts

    சினிமா செய்திகள், விமர்சனங்களை உடனுக்குடன் தெரிந்து கொள்கಿ - Filmibeat Tamil

    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Filmibeat sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Filmibeat website. However, you can change your cookie settings at any time. Learn more