Click it and Unblock the Notifications
எந்திரனில் நடிக்கும் சூப்பர் ஜிப்ஸி!
இன்ரைய எந்திரன் ஸ்பெஷல் இதோ...
எந்திரனில் சில முக்கிய, ஆனால் ஜாலி காட்சிகளில் ஒரு எந்திரம் நடிக்கப் போகிறது.
எந்திரம் என்றதும் ரோபோ என நினைத்துவிட வேண்டாம். இது ஒரு கார்... மாருதி ஜிப்ஸி. இதில் என்ன புதுமை என்கிறீர்களா...
இந்தக் கார் சாதாரண காரல்ல... அட்டகாசமான புதிய வசதிகளுடன் வடிவமைக்கப்பட்ட சூப்பர் கார்.
காரை மறுவடிவமைப்பு செய்திருப்பவர் பெயர் ஜாஃபர். சென்னை புதுப்பேட்டை கார் மெக்கானிக் மற்றும் டிசைனர்.
அஹமத் ஆட்டோ-மோட்டீவ் இன்டஸ்ட்ரி என்கிற பெயரில் திருவொற்றியூரில் மாடிஃபிகேஷன் பட்டறை வைத்திருக்கிறாராம்.
"முதலில் இந்த ஜிப்ஸியை தேர்தல் பிரசாரத்துக்காக ரெடி செய்தேன். தேர்தல் முடிஞ்சதும் டாய் கார் மாதிரி மாற்றினேன். ஒருவர் இந்த ஜீப்பைப் பார்த்துட்டு நேராக ஷங்கர் சார்கிட்ட கொண்டு போய் விட்டுட்டார். ஜீப்பைப் பார்த்ததும் த்ரில்லானவர், 'எந்திரன் படத்தில் இந்த ஜீப்பும் நடிக்குது'ன்னு சொல்லிட்டார்", என்றார் மகிழ்ச்சியாக!
'கிட்டத்தட்ட பஸ்ஸுக்கு இணையான உயரத்தில் இருக்கிறது இந்த ஜிப்ஸி. டிராக்டரில் உள்ள 20 இன்ச் அளவு கொண்ட முன் வீல்கள் பயன்படுத்தப்பட்டுள்ளன. பம்பர் மற்றும் ரோல் பார்கள் முழுவதும் பிவிசி பைப்புகளால் செய்யப்பட்டு இருக்கிறது. இன்ஜினிலும் பல மாறுதல்கள் செய்துள்ளார். இந்த மாற்றத்துக்காக மட்டும் இரண்டரை லட்ச ரூபாய் வரை செலவழித்திருக்கிறாராம் ஜாஃபர்!
Continue with Google