Click it and Unblock the Notifications
ஸ்லம்டாக் .. பட குழந்தை நடிகர் அசாருதீனுக்கு வீடு கிடைத்தது
ஆஸ்கர் விருதுகளை இந்தியாவின் பக்கமும் திருப்பி விட்ட ஸ்லம்டாக் படத்தில் நடித்த சிறுவன் அசாருதீன் இஸ்மாயில். இவன் ஒரு குடிசைவாசி. மும்பை ரயில் டிராக் பகுதியில் உள்ள சேரிப் பகுதியில் வசித்து வந்தான் அசாருதீன். சமீபத்தில் அசாருதீன், இன்னொரு குழந்தை நட்சத்திரமான ரூபினா அலி உள்ளிட்டோரின் குடிசைகளை ரயில்வே அகற்றி விட்டது.
இதனால் வீடு இழந்தனர் இந்த குழந்தை நட்சத்திரங்கள். இந்த நிலையில் அசாருதீனுக்கு புது வீடு கிடைத்து விட்டது.
ஏற்கனவே இருந்த குடிசைப் பகுதிக்கு வெகு அருகில்தான் இந்த புதிய அடுக்குமாடிக் குடியிருப்பு உள்ளது. ஸ்லம்டாக் படக் குழுவினரே இந்த வீட்டை வாங்கி அசாருதீனுக்கு அளித்து்ளனர்.
புது வீட்டுக்குப் போயுள்ள சந்தோஷத்தில் தன்னைப் பார்க்க வரும் விருந்தினர்களிடம் வீட்டைச் சுற்றிக் காட்டி மகிழ்கிறான் அசாருதீன்.
இந்த வீடு நன்றாக உள்ளது. அழகாக உள்ளது. என்ன, எனது பழைய பந்த்ரா நண்பர்களைப் பிரிந்ததுதான் வருத்தமாக இருக்கிறது. அவ்வப்போது போய்ப் பார்த்துக் கொள்ள வேண்டியதுதான் என்கிறான்.
ஜூஹு பகுதியிலிருந்து சிறிது தொலைவில் இந்தப் புதிய வீடு உள்ளது. வீட்டின் அளவு 250 சதுர அடியாகும். தரைதத்தளத்தில் உள்ளது. மின்சார வசதி, குடிநீர் என எல்லாமே உள்ளேயே இருக்கிறது.
42 ஆயிரம் டாலர் கொடுத்து இந்த வீட்டை வாங்கிய ஸ்லம்டாக் குழுவினர் அமைத்த ஜெய்ஹோ டிரஸ்ட் அசாருதீனுக்கு பரிசளித்துள்ளது.
வீடு அசாருதீனுக்காக வாங்கப்பட்டது என்றாலும் கூட அவனுக்கு 18 வயதாகும்போதுதான் அவனது பெயருக்கு சொந்தமாகும்.
அசாருதீனைப் போலவே அடுத்து ரூபினா அலிக்கும் பொருத்தமான வீட்டை ஜெய்ஹோ டிரஸ்ட் பார்த்து வருகிறதாம்.
Continue with Google