'ரா ரா' வில் குரல் கொடுத்த விவேக்!

உதயா நடிக்கும் ரா ரா படத்தில், அவரை அறிமுகப்படுத்தும் காட்சிக்கு குரல் கொடுத்து உதவியுள்ளார் நடிகர் விவேக்.

திருநெல்வேலி படம் மூலம் தமிழ் சினிமாவுக்கு அறிமுகமானவர் நடிகர் உதயா.

இவர் தற்போது தயாரித்து ஹீரோவாக நடித்து வரும் படம் ரா.ரா. இப்படம் முழுக்க முழுக்க நகைச்சுவை படமாக தயராகிறது. இப்படத்தை அறிமுக இயக்குனர் சாண்டில்யா இயக்குகிறார்.

இப்படத்தில் அநேக பணிகள் முடிவடைந்து விட்ட நிலையில் ஹீரோ உதயா அறிமுகமாகும் காட்சியில் காமெடி நடிகர் ஒருவர் பின்னணி குரல் கொடுத்தால் நன்றாக இருக்கும் என்று எண்ணிய படக்குழுவினர் விவேக்கிடம் விஷயத்தை தெரிவித்தனர்.

இதற்கு உடனே ஒப்புக் கொண்ட விவேக், உதயா அறிமுகமாகும் காட்சிக்கு பின்னணி குரல் கொடுத்திருக்கிறார். இதற்காக நேற்று சென்னை கற்பகம் ஸ்டூடியோவில் டப்பிங் நடைபெற்றது.

டப்பிங் முடிவுற்ற நிலையில் விவேக் தனது குறிக்கோளான 'க்ரீன் கலாம்' திட்டத்தினை நிறைவேற்றும வகையில் கற்பகம் ஸ்டூடியோவில் சில மரக் கன்றுகளையும் நட்டார்.