முகப்பு

ஸ்பெஷல்ஸ்

இன்றைய தேதிக்கு தமிழ் சினிமாவில் இரண்டு விஜய்கள் கோலோச்சிக் கொண்டிருக்கிறார்கள். முன்னவர் நடிகர். முன்வரிசை நாயகர்களுள் ஒருவர் (அவ்வப்போது சறுக்கினாலும்). பின்னவர் திறமையான இயக்குநர் (ஹாலிவுட் படங்களை கொஞ்சம் ஜெராக்ஸ் எடுத்தாலும்!)

இந்த இருவரும் அடுத்து ஒரு படத்துக்காக இணையப் போகிறார்கள்.

பிரபல பைனான்ஸியரான சந்திரபிரகாஷ் ஜெயின் தயாரிக்கும் இந்தப் படத்துக்கு இசையமைப்பவர் ஜிவி பிரகாஷ் குமார் (பெரும்பாலும் அந்நிய இசைக்கலைஞர்களின் ஆல்பங்களே இவருக்கு துணை!). நடிகர் விஜய் படத்துக்கு இவர் முதல்முறையாக இசையமைக்கிறாராம். அந்த உற்சாகத்தில் படம் குறித்த தகவல்களை ட்விட்டரில் கொட்டியுள்ளார்!

ஏ ஆர் முருகதாஸ் படத்தை முடித்துவிட்டு இந்தப் புதிய படத்துக்கு நடிகர் விஜய் தேதிகள் கொடுப்பார் என்கிறார்கள்.

ஆனால் இடையில் கவுதம் மேனனின் 'யோஹன்' படத்துக்கும் கால்ஷீட் கொடுத்திருக்கிறார் விஜய். சீமானுக்கு வேறு வாக்கு கொடுத்து கிட்டத்தட்ட ஏமாற்றியுள்ள நிலையில், இந்தப் புதிய படத்துக்கு கமிட் ஆகியுள்ளார் விஜய்!

விஜய் படமென்றால், அறிவிப்பு வந்த பிறகும் கூட ஒன்றும் உறுதியாக சொல்ல முடியாது போலிருக்கிறதே!

சரீ.... ஜோடி யாரு... அமலா பாலா?!