ஸ்ருதி ஹாஸனின் 'தட்ஸமயம் ஒரு பெண்குட்டி'!

தலைப்பு ஒரு மாதிரி பிட்டு பட ரேஞ்சுக்கு இருக்கிறதே என யோசிக்க வேண்டாம். கமல்ஹாஸனின் நெருங்கிய நண்பர் ராஜீவ் குமார் இயக்கும் மலையாளப் படம் இது.

கமலை வைத்து சாணக்யன் படத்தை எண்பதுகளில் எடுத்தவர்.

இப்போது கமல் மகள் ஸ்ருதிஹாஸனை வைத்து படம் இயக்குகிறார். அந்தப் படத்துக்குதான் தட்ஸமயம் ஒரு பெண்குட்டி என தலைப்பு வைத்திருக்கிறார்.

இந்தியில் நடிப்பைத் துவங்கிய ஸ்ருதி, அடுத்து தமிழில் 7-ம் அறிவு, தெலுங்கில் ஒன்று என ஒரு ரவுண்டு வந்து கொண்டிருக்கிறார். அடுத்து இந்த மலையாளப் படத்தில்தான் நடிக்கப் போகிறாராம்!

அடுத்து கன்னடம், மராத்தி என எந்த மொழியாக இருந்தாலும் பரவாயில்லையாம்... நல்ல ஸ்கோப் உள்ள வேடங்களென்றால் ஒப்புக் கொள்வதாகக் கூறியுள்ளார் ஸ்ருதி.