Click it and Unblock the Notifications
யு.எஸ்-25 இடங்களில் உன்னைப் போல் ஒருவன்!
அமெரிக்காவில் உன்னைப் போல் ஒருவன் படத்தை விநியோகிக்கும் பொறுப்பை நர்மதா மீடியா பெற்றுள்ளது.
தென்னிந்தியாவின் இரு பெரும் சிறந்த நடிகர்களான கமல்ஹாசனும், மோகன்லாலும் இணைந்து நடித்துள்ள தமிழின் முதல் படமான இப்படம் அமெரிக்கா வாழ் தமிழ் மற்றும் தெலுங்கு ரசிகர்களிடையே பெரும் ஆவலை ஏற்படுத்தியுள்ளது.
ஏற்கனவே மலையாள ரசிகர்கள், கமல்ஹாசன் படங்களை விரும்பிப் பார்ப்பார்கள். இப்போது 'லாலட்டனும்' உடன் இணைந்து நடித்திருப்பதால், உன்னைப் போல் ஒருவன் படத்திற்கு மலையாளிகள் மத்தியிலும் ஏக எதிர்பார்ப்பு ஏற்பட்டுள்ளது.
பொது ஜனங்களில் ஒருவராக கமல்ஹாசனும், திறமையான போலீஸ் கமிஷனராக மோகன்லாலும் இப்படத்தில் நடித்துள்ளனர். தெலுங்குப் பதிப்பில் கமிஷனராக வருபவர் வெங்கடேஷ்.
செப்டம்பர் 18ம் தேதி உலகம் முழுவதும் உன்னைப் போல் ஒருவன் ரிலீஸாகிறது. அதே தினத்தில் அமெரிக்காவிலும் இப்படம் திரைக்கு வருகிறது.
தமிழ் மற்றும் தெலுங்குப் பதிப்பில் மொத்தம் 40 பிரிண்டுகள் போடப்பட்டுள்ளன. 25 இடங்களில் படம் திரையிடப்படவுள்ளது.
Continue with Google