முகப்பு

ஸ்பெஷல்ஸ்

ஜீவாவின் அடுத்த படம் ரிலீஸுக்குத் தயாராகிவிட்டது. படத்தின் பெயர் வந்தான் வென்றான்.

ஆடுகளம் டாப்ஸிதான் இதில் ஜீவாவுக்கு ஜோடி. கேஎஸ் சீனிவாசன் தயாரித்துள்ள இந்தப் படத்துக்கு, தமன் இசையமைத்துள்ளார்.

கண்ணன் இயக்கியுள்ள இந்தப் படம் வரும் செப்டம்பர் 16-ம் தேதி வெளியாகிறது. சமீபத்தில் வெளியான ஜீவாவின் படங்களில் கோ வெற்றிகரமாக ஓடியது. ஆனால் ரௌத்ரம் கவிழ்த்துவிட்டது.

எனவே வந்தான் வென்றான் வெற்றி மிக முக்கியமானதாகப் பார்க்கப்படுகிறது.

இந்தப் படம் நேற்று சென்சாருக்கு திரையிடப்பட்டது. படத்தைப் பார்த்த தணிக்கைக் குழு உறுப்பினர்கள் எந்த கட்டும் கொடுக்காமல், யு சான்றிதழ் அளித்துள்ளனர்.

வந்தான் வென்றான் நிச்சயம் பாக்ஸ் ஆபீஸில் வெற்றிபெறும் என்ற நம்பிக்கையை ஏற்படுத்தியுள்ளதாக ஜீவா தெரிவித்துள்ளார்.

இந்தப் படம் சிறப்பாக வந்திருப்பதால், அடுத்த படத்துக்கும் கண்ணனுக்கு அவர் கால்ஷீட் கொடுத்துள்ளதாக செய்திகள் தெரிவிக்கின்றன.