Don't Miss!
- Sports RR vs DC : எமோஷனலாக இருக்கேன்.. சஞ்சு சாம்சன் உள்ளே வந்து ஒன்றை சொன்னார்.. ரியான் பராக் நெகிழ்ச்சி!
- News சென்னையில் பிரபல ‛பப்’ மேற்கூரை இடிந்து விழுந்து விபத்து.. மெட்ரோ பணிகள் காரணமா! பகீர் தகவல்
- Automobiles கண்ண மூடிட்டு ஹோண்டா டூவீலர்களை வாங்கும் இந்தியர்கள்! இந்த விஷயம் தெரிஞ்சா விடிஞ்சதும் ஷோரூம்லதான் இருப்பீங்க!
- Education யுபிஎஸ்சி ஐஎஃப்எஸ் தேர்வு நேர்காணல் தேதி அறிவிப்பு
- Travel டைட்டானிக் கப்பல் மூழ்கி இருக்கலாம் – ஆனால் அதைப் பற்றிய சுவாரஸ்யமான உண்மைகள் மறையாது!
- Lifestyle முட்டை வாங்க போறீங்களா? இப்படி பார்த்து வாங்குங்க... இல்லனா பல ஆபத்துக்களை சந்திக்க வேண்டியிருக்கும்...!
- Technology குறைஞ்சது 4 -5 நாள் ஆகும்.. கடைசி நேரத்துல அலையாதீங்க.. Voter ID-க்கான முக்கிய வேலை.. உடனே செஞ்சிடுங்க!
- Finance தொழில்நுட்ப துறையில் தொடரும் பணிநீக்கம்.. பெரு நிறுவனங்களின் அதிரடி முடிவுக்கு காரணம் என்ன?..
சந்திரமுகி 2: இயக்குகிறார் பி.வாசு!
கன்னடத்தில் பெரிய வெற்றி பெற்ற படம் ஆப்தமித்ரா. விஷ்ணுவர்தன் நடித்த இந்தப் படம் 500 நாட்கள் ஒடியது. இந்தப் படம்தான் சூப்ப்ர ஸ்டார் ரஜினி நடிக்க தமிழில் சந்திரமுகியாக வெளிவந்து சரித்திரம் படைத்தது. 870 நாட்கள் ஓடி தென்னிந்திய சினிமாவில் புது சாதனைப் படைத்தது.
இந்தப் படத்தின் இரண்டாம் பாகத்தை இயக்கப்போவதாக வாசு ஆரம்பத்திலிருந்தே கூறிவந்தார். ஆனால் ரஜினி அதுபற்றி எதுவும் கூறவில்லை.
இப்போது சந்திரமுகி இரண்டாம் பாகத்தை கன்னடத்தில் ஆரம்பித்துள்ளார் பி.வாசு.
இதுகுறித்து வாசு கூறியதாவது:
கடந்த 4 வருடத்துக்கு முன்பு கன்னடத்தில் ஆப்தமித்ரா படத்தை இயக்கினேன். அந்தப்படத்தின் சாதனையும், அதன் தமிழ் பதிப்பின் சாதனைகளையும் நான் சொல்லித் தெரிய வேண்டியதில்லை.
இந்நிலையில் ஆப்தமித்ரா படத்தின் 2-ம் பாகத்துக்கான ஸ்கிரிப்ட்டை உருவாக்கி வந்தேன். அந்த வேலை இப்போது முடிந்துவிட்டது. பிப்ரவரி மாதம் படப்பிடிப்பு தொடங்குகிறோம். விஷ்ணுவர்தனே மீண்டும் ஹீரோவாக நடிக்கிறார்.
இந்தப் படம் தமிழில் சந்திரமுகி 2ம் பாகமாக வருமா என்று நிறைய பேர் கேட்டுவிட்டார்கள். அது என்கையில் இல்லை. அதை முடிவு செய்ய வேண்டியவர் சூப்பர்ஸ்டார்தான். முதலில் கன்னடப் படத்தை முடிக்கிறேன் என்றார் வாசு.