மன்மதன் அம்பு 23-ம் தேதிக்கு தள்ளிப்போனது!

கமல்ஹாஸன் - த்ரிஷா நடிக்கும் மன்மதன் அம்பு திரைப்படம் டிசம்பர் 23-ம் தேதியன்று வெளியாகும் என அறிவிக்கப்பட்டுள்ளது.

முன்னதாக இந்தப் படம் டிசம்பர் 17-ம் தேதி வெளியாகும் என்று அறிவி்க்கப்பட்டிருந்தது. ஆனால் படத்தின் தெலுங்கு டப்பிங் தொடர்பான பணிகள் முடியாததால் இந்த தள்ளிப் போடல் என ரெட்ஜெயன்ட் அறிவித்துள்ளது.

தெலுங்கில் மன்மதன் பாணம் என இந்தப் படத்துக்கு பெயரிட்டுள்ளனர். கேரளாவில் இந்தப் படத்தின் தமிழ்ப் பதிப்பே வெளியாகிறது. பழஸி ராஜா படம் எடுத்தவரும், கமலுக்கு நெருக்கமானவருமான கோகுலம் கோபாலன் இதன் வெளியீட்டு உரிமையை வாங்கியுள்ளார்.

அடுத்த வாரம் மன்மதன் அம்பு படம் சென்சாருக்கு அனுப்பப்படுகிறது.