Click it and Unblock the Notifications
பெருமாள் ரிலீஸ் எப்போது?
சுந்தர் சி நடிப்பில் வின்சென்ட் செல்வா இயக்கத்தில் உருவாகியுள்ள பெருமாள் திரைப்படம் சில சிக்கல்களால் இந்த வாரம் ரிலீசாகவில்லை. என்ன சிக்கல் என்பதை கலைஞர் தொலைக்காட்சி தரப்பில் யாரும் கூறாவிட்டாலும், இந்த வாரம் ரிலீசாவதாகக் கூறி தியேட்டர்களும் அறிவிக்கப்பட்ட நிலையில் ஒரு படம் நிற்பது நிச்சயம் நல்ல காரணங்களுக்காக இருக்காதல்லவா!
இந்த ஆண்டு அதிகப் படங்களில் நடித்த ஹீரோ எனும் பெருமை சுந்தர் சிக்குதான். பெருமாள், தீ, ஐந்தாம் படை மற்றும் கலைஞர் தொலைக்காட்சியின் முரட்டுக்காளை என வரிசையில் நிற்கின்றன அவர் படங்கள்.
இவற்றில் பெருமாள் அல்லது தீ முதலில் ரிலீசாகும் எனக் கூறப்பட்டது. கவனிக்க: இதில் பெருமாளுக்கு ஸ்பான்ஸர் கலைஞர் டிவி. இந்தப் படத்தில்தான் மு.க முத்துவின் மகன் டாக்டர் அறிவுநிதி பாடல் பாடியிருக்கிறார்.
தீ படத்தை வாங்கித் திரையிடப் போகிறவர்கள் சன் பிக்சர்ஸ். அடுத்து வரும் ஐந்தாம் படையும் முரட்டுக் காளையும் கலைஞர் தொலைக்காட்சியின் படங்கள்.
இப்படி நான்கு படங்களுமே சன் அல்லது கலைஞர் குழுமத் தயாரிப்பில்தான் உள்ளன. இந்த நிலையில் பெருமாள் படம் இந்த வாரம் ரிலீஸாகும் என்று கூறப்பட்டது.
ஆனால் சில விநியோகக் காரணங்களால் படம் தள்ளிப் போய்விட்டதாகவும் பிப்ரவரி 14-ம் தேதி காதலர் தின சிறப்புத் திரைப்படமாக வெளியாகும் என கலைஞர் தொலைக்காட்சி தரப்பில் கூறப்படுகிறது.
தீயும் ஐந்தாம்படையும் முழுமையாக முடிந்து, பெருமாள் ரிலீசுக்குக் காத்திருக்கின்றன.
சிக்கல் தீர்ந்து பெருமாளின் தரிசனம் கிடைக்குமா?
Continue with Google