விஷாலின் 'வெடி'யை வாங்கியது சன் பிக்சர்ஸ்!

பிரபு தேவா இயக்கத்தில் விஷால் - சமீரா நடித்துள்ள ஆக்ஷன் படமான வெடியை பெரும் தொகை கொடுத்து வாங்கியுள்ளது சன் பிக்சர்ஸ்.

ஒரு பக்கம் சட்ட ரீதியான நெருக்கடிகள், கைதுகள் தொடர்ந்தாலும், சன் பிக்சர்ஸ் மீண்டும் புயல் வேகத்தில் படங்களை வாங்கி வெளியிடுவதில் கவனம் செலுத்தி வருகிறது.

சமீபத்தில் சன் பிக்சர்ஸ் வெளியிட்ட மங்காத்தா ஹிட் படமாகியுள்ளது. இரண்டாவது வார முடிவில் கிட்டத்தட்ட போட்ட பணத்தை முழுவதுமாக எடுத்துவிட்டது சன் டிவி.

அடுத்தடுத்து பெரிய பட்ஜெட் படங்களை கைவசம் வைத்துள்ளது இந்த நிறுவனம். ஏழாம் அறிவு, நண்பன் போன்ற படங்களும் சன் கைவசம் வந்துவிட்டன.

அந்த வரகிசையில் விஷாலின் வெடி படமும் சேர்ந்துள்ளது. சன் பிக்சர்ஸின் அடுத்த ரிலீஸ் 'வெடி'தான்.

ஜிகே பிலிம் கார்ப்பொரேஷன் தயாரித்துள்ள இந்தப் படத்தை பிரபு தேவா இயக்கியுள்ளார். விஜய் ஆன்டனி இசையமைத்துள்ளார். பிரபுதேவா படத்தில் முதல்முறையாக விவேக் காமெடி செய்துள்ளார்.

செப்டம்பர் 29-ம் தேதி விஜயதசமி ஸ்பெஷலாக வருகிறது வெடி.