முகப்பு

ஸ்பெஷல்ஸ்

சென்னையில் நடக்கும் 9வது சர்வதேச திரைப்பட விழாவில் அழகர்சாமியின் குதிரை, வாகை சூடவா உள்பட 12 தமிழ்ப் படங்கள் பங்கேற்கின்றன.

9-வது சர்வதேச படவிழா, சென்னையில் வருகிற 14-ந் தேதி தொடங்கி, 22-ந் தேதி வரை 9 நாட்கள் நடைபெற இருக்கிறது. சென்னை உட்லண்ட்ஸ், ஐநாக்ஸ், சத்யம், பிலிம்சேம்பர் ஆகிய தியேட்டர்களில் சர்வதேச படங்கள் திரையிடப்பட உள்ளன.

பிரான்சு, ஜெர்மனி, ஆஸ்திரேலியா, ஆஸ்திரியா, பெல்ஜியம், கனடா, டென்மார்க், பின்லாந்து, எகிப்து, ஈரான், இத்தாலி உள்பட 44 நாடுகளில் தயாரான மொத்தம் 154 படங்கள், இந்த படவிழாவில் திரையிடப்படுகின்றன. அதில், 9 படங்கள் இந்தியன் பனோரமாவில் திரையிடப்பட்டவை. 'கான்' படவிழாவில் திரையிடப்பட்ட 8 படங்களும் பங்கேற்கின்றன.

சர்வதேச படவிழாவையொட்டி நடைபெறும் தமிழ் படங்களுக்கான போட்டியில், 12 படங்கள் கலந்துகொள்கின்றன.

அந்த படங்கள் வருமாறு:

அவன் இவன், அழகர்சாமியின் குதிரை, எங்கேயும் எப்போதும், ஆடுகளம், வெங்காயம், மைதானம், வாகை சூடவா, முரண், கோ, தெய்வத்திருமகள், வர்ணம், தூங்கா நகரம்.

போட்டியில் தேர்வு செய்யப்படும் சிறந்த படத்துக்கு, முதல் பரிசாக ரூ.2 லட்சம் வழங்கப்படும். இந்த தகவல்களை, சர்வதேச படவிழா இயக்குனர் ஈ.தங்கராஜ் தெரிவித்தார்.