முகப்பு

ஸ்பெஷல்ஸ்

ஐபிஎல்லில் மட்டுமல்ல, சிசிஎல் எனப்படும் நட்சத்திரக் கிரிக்கெட்டிலும் சென்னை அணியே வெற்றி பெற்றது.

ஐபிஎல்லைப் போலவே 20 ஓவர்கள் கொண்ட நட்சத்திர கிரிக்கெட் போட்டியை திரையுலகினர் நடத்தினர்.

இதில் தமிழ், தெலுங்கு, கன்னடம் மற்றும் இந்திப் பட உலகைச்சேர்ந்த நடிகர்கள் அடங்கிய அணிகள் மோதின.

தமிழ் நடிகர்கள் அணிக்கு சென்னை ரினோஸ் என பெயர் சூட்டியிருந்தனர். கர்நாடக அணிக்கு பெங்களூர் புல்டோசர்ஸ் என்றும், இந்தி நடிகர்கள் அணிக்கு மும்பை ஹீரோஸ், தெலுங்கு அணிக்கு தெலுங்கு வாரியர்ஸ் என்றும் பெயர் சூட்டப்பட்டது.

இறுதிப்போட்டியில் சென்னை ரினோஸ் மற்றும் பெங்களூர் புல்டோசர்ஸ் அணிகள் மோதின. இதில் சென்னை ரினோஸ் அபார வெற்றி பெற்றது.

முதலில் விளையாடிய சென்னை அணி, அபாரமாக ஆடி 189 ரன்களைக் குவித்தது. குறிப்பாக நடிகர் விக்ரம் சிறப்பாக விளையாடி மின்னல் வேகத்தில் 50 ரன்கள் குவித்தார்.

இந்த அளவு ரன்களை எடுக்க முடியாமல் திணறியது பெங்களூர் அணி. 20 ஓவர்களில் அனைத்து விக்கெட்டுகளையும் இழந்து 159 ரன்களே எடுத்தது.

இதன் மூலம் சிசிஎல்லின் முதல் வெற்றிக்கோப்பையை தமிழ் சினிமாவின் சென்னை ரினோஸ் அமி வென்றுள்ளது.

அடுத்த ஆண்டும் இந்த நட்சத்திர கிரிக்கெட் போட்டி நடக்கிறது. இதில் மேலும் இரு அணிகள் இணைகின்றன. ஸ்ரீதேவி - போனி கபூருக்குச் சொந்தமான வங்காள அணியும், பிரியதர்ஷனுக்கு சொந்தமான கேரள அணியும் போட்டியில் குதிக்கின்றன.

சினிமாவில் வெற்றி பெறத் தவறிய நடிகர்கள், இந்த சிசிஎல் மூலம் புதிய ரசிகர்கள், நல்ல புகழ் மற்றும் பணத்தைப் பெறும் வாய்ப்பு வந்துள்ளதாக சிசிஎல் அமைப்பு தெரிவித்துள்ளது.