twitter
    For Quick Alerts
    ALLOW NOTIFICATIONS  
    For Daily Alerts

    ரஜியினின் வில்லன் டேனி!

    By Staff
    |

    Danny Denzongpa
    சூப்பர் ஸ்டார் ரஜினியின் படங்களில் வரும் வில்லன் பாத்திரத்துக்கு எப்போதுமே மிகுந்த முக்கியத்துவம் உண்டு.

    முரட்டுக் காளையில் ஜெய்சங்கர், மிஸ்டர் பாரத்தில் சத்யராஜ், படையப்பாவில் ரம்யாகிருஷ்ணன் மாதிரி... இப்போது எந்திரனில் அந்தப் போக்கு தொடர்கிறது. பாலிவுட்டில் புகழ் பெற்ற ஒரு வில்லனை இந்தப் படத்தின் மூலம் தமிழுக்கு அறிமுகப்படுத்துகிறார்கள் (எந்திரன் தமிழ்ப் படம் மட்டுமல்ல, என்பது வேறு விஷயம்!).

    அவர்தான் டேனி டெங்ஸோங்பா.

    குர்பானி, குதா கவா, அஜ்நபி போன்ற படங்கள் மற்றும் தொலைக்காட்சித் தொடர் மூலம் மிகப் பிரபலமான நடிகர் இவர்.

    அமிதாப் போன்ற ஜாம்பவான்களுக்கு நிகராக பேசப்பட்டவர். இவர்தான் இப்போது எந்திரன் பட வில்லன். இவருக்குமுன் தெலுங்கு நடிகர் ஜே.டி. சக்கரவர்த்தி நடிப்பதாகக் கூறப்பட்டது. இப்போது அவர் நடிக்கிறாரா என்பது தெரியவில்லை.

    டேனியின் சேர்க்கை படத்துக்கு நிச்சயம் பலம்தான். காரணம் இந்திப் படவுலகில் டேனியின் நடிப்புக்கென்று தனி ரசிகர் வட்டமுண்டு.

    2003-ம் ஆண்டு பத்மஸ்ரீ பட்டம் பெற்ற டேனி, ஹாலிவுட் படத்திலும் நடித்துள்ளார். செவன் இயர்ஸ் இன் திபெத் படத்தில் பிரபல ஹாலிவுட் நடிகர் பிராட் பிட்டுடன் நடித்துள்ளார்.

    உடனடி நியூஸ் அப்டேட்டுகள்
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X